[s]ciant presentes et futuri quod ego Jacobus de Giney concessi dedi et hac presenti carta mea confirmavi Deo et Beate Marie et monachis de Sybetun[] in liberam perpetuam et puram elemosinam quantum spectat ad me et ad heredes meos homagium et servitium Stephani le Neuman et heredum suorum cum toto tenemento quod idem Stephanus de me tenuit sicut iacet per divisas suas in socha de Huntingfeld[] scilicet in parochia Sancte Margarete et in villa de Chetestan ita scilicet quod predictus Stephanus et heredes sui teneant totum predictum tenementum de predictis monachis libere quiete et hereditarie reddendo inde annuatim dictis monachis octo solidos ad duos terminos scilicet ad festum Sancti Michaelis quatuor solidos et ad Pascha quatuor solidos et ad scutagium quando evenerit ad unam marcam tres denarios et unum quadrantem et ad plus plus et ad minus minus et ad wardam Eye quando acciderit unum quadrantem pro omni servitio consuetudine et demanda ita quod predicti monachi nihil amplius poterunt exigere de predicto Stephano et heredibus suis pro predicto tenemento nisi predicta servitia exceptis releviis et wardis si acciderint et predicti monachi habeant et teneant predictum homagium et servitium predicti Stephani et heredum suorum bene in pace et integre soluta et quieta ab omni clamio mei vel heredum meorum Et ego et heredes mei sive assignati mei warantizabimus predictum homagium et servitium predicti Stephani et heredum suorum cum pertinentiis predictis monachis contra omnes in perpetuum Et ut hec mea concessio et donatio perpetuum robur optineant presentem cartam sigilli mei impressione roboravi Testibus

Source Fulltext: Sibton Abbey Cartularies and Charters. Philippa Brown. Suffolk Charters, Vs.7,8,9,10. Suffolk Records Society. Boydell and Brewer. Woodbridge, Suffolk; Dover, N. H., U.S.A. 1986-88.