[o]mnibus Christi fidelibus presentem cartam visuris vel audituris frater Henricus abbas et conventus humilis de Sybetun[] salutem in Domino Noverit universitas vestra nos concessisse et presenti carta nostra confirmasse Stephano le Neuman pro homagio et servitio suo totum tenementum quod tenuit de domino Jacobo de Giney sicut iacet per divisas suas in socha de Huntingfeld[] in parochia Sancte Margarete et in villa de Chedestan tenend et habend illi et heredibus suis de nobis et successoribus nostris bene et in pace libere quiete et hereditarie reddendo inde nobis annuatim octo solidos ad duos terminos scilicet ad festum Sancti Michaelis quatuor solidos et ad Pascha quatuor solidos et ad scutagium quando evenerit ad unam marcam tres denarios et unum quadrantem et ad plus plus et ad minus minus et ad wardam de Eye quando acciderit unum quadrantem pro omni servitio consuetudine et exactione ita scilicet quod non debemus aliquid amplius exigere de predicto Stephano et heredibus suis pro predicto tenemento nisi predicta servitia exceptis releviis et wardis si acciderint Nec predictus Stephanus nec heredes sui poterunt aliquo modo dictum tenementum in alia domo religiosa vel Judaismo ponere vel alienare unde a predicto tenemento vel servitio possumus elongari Et ut hec nostra concessio et confirmatio perpetuum robur optineant presentem cartam sigilli nostri appositione roboravimus Testibus

Source Fulltext: Sibton Abbey Cartularies and Charters. Philippa Brown. Suffolk Charters, Vs.7,8,9,10. Suffolk Records Society. Boydell and Brewer. Woodbridge, Suffolk; Dover, N. H., U.S.A. 1986-88.