Notum sit tam presentibus quam futuris quod ego Walterus do et concedo deo et ecclesie sancte Marie de Blybur ad opus canonicorum ibidem deo seruientium vi acras in Dersam de libero maritagio Matildis uxoris mee ea similiter dante et concedente que sicut ego frater ita soror erat predicte ecclesie tenend et habend de nobis et heredibus nostris libere et quiete ab omni terreno seruitio in perpetuum et hoc facio pro anima predicte uxoris mee Quicumque autem donationem istam minuere aut disturbare presumpserit non sit illi adiutor nec sit qui misereatur pupille eius sed in una generatione deleatur nomen eius Hec autem donatio facta fuit in festo sancti Luce euangeliste anno millesimo centesimo quinquagesimo quarto incarnationis domini Quia proprium sigillum non habui ipso sigillo ecclesie et anulo Roberti filii Baldri cartam meam confirmaui Hiis testibus Rogero

Source Fulltext: The Cartulary of Blythburgh Priory. Christopher Harper-Bill. Suffolk Charters, V.2. Suffolk Records Society. Boydell and Brewer. Woodbridge, Suffolk. 1980.