Hec est finalis concordia facta in curia domini regis apud Westmonasterium a die Sancti Yllarii in xv dies anno regni regis Iohannis iiii coram Galfrido filio Petri Ricardo de Herierd Simone de Pateshill[] Eustachio de Facunberg[] Iohanne de Gestling Osberto filio Hervi Godefrido de Insula Waltero de Creping[] iusticiariis et aliis baronibus domini regis ibidem tunc presentibus inter Walterum filium Humfridi petentem et Hugonem priorem de Stokes tenentem de advocacione ecclesie de Foxherde unde placitum fuit inter eos in prefata curia scilicet quod predictus prior recognovit advocacionem predicte ecclesie cum pertinenciis esse ius ipsius Walteri et eam remisit et quietam clamavit predicto Waltero et heredibus suis de se et successoribus suis inperpetuum salvis quatuor marcis ecclesie de Stokes quos clericus cui predictus Walterus vel heredes sui ecclesiam illam concesserint annuatim priori et monachis ecclesie de Stokes et eorum successoribus persolvet ad duos terminos anni scilicet ad Pascha ii marcas et ad festum Sancti Michaelis ii marcas Et sciendum quod clericus ille cui idem Walterus vel heredes sui ecclesiam illam concesserint faciet fidelitatem predicto priori et monachis ecclesie de Stokes et eorum successoribus de predictis iiii marcis reddendis Et hec concordia facta fuit concessu et voluntate Willelmi episcopi Londoniensis et eo presente et predictum beneficium iiii marcarum concedente

Source Fulltext: Stoke-by-Clare Cartulary. Christopher Harper-Bill and Richard Mortimer. Suffolk Charters, V.4. Suffolk Records Society. Boydell and Brewer. Woodbridge, Suffolk. 1982-84.