Robertus dei gratia Sar[esburiensis] episcopus dilectis in Christo filiis r[icardo] eadem gratia abbati Rading[ensi] et eiusdem loci conventui salutem gratiam et benedictionem Particeps mercedis efficitur qui bonorum operum se constituit adiutorem Sane cum facultates monasterii vestri ad hospitalitatis gratiam sectandam a qua nullus cuiuscumque ordinis etatis sexus vel conditionis pro vestris beneficiis ad vos declinans se queritur alienum noverimus minime sufficere nos ut de mercede vestra participium reportemus ecclesiam de Burghildebir[ia] cum omnibus pertinentiis suis salva vicaria in eadem auctoritate nostra taxata cuius presentatio ad vos pertinebit terciam partem preterea omnium terrarum decimarum fructuum et proventuum ecclesie de Thacham item lx marcas annuas nomine pensionis de duabus reliquis portionibus eiusdem ecclesie percipiendas ab eiusdem ecclesie perpetuo vicario patronatu eiusdem vicarie vobis salvo ad hospitalitatis honera supportanda de assensu capituli nostri Sar[esburiensis] in vestros usus proprios et perpetuos duximus concedendas auctoritate pontificali statuentes quod ecclesiam et pensionem supradictas cum prescriptis omnibus pacifice possideatis in posterum et inconcusse salvis in omnibus iure auctoritate et dignitate Sar[esburiensis] ecclesie et nostra et successorum nostrorum et archidiaconorum in quorum archidiaconatibus predicta sunt constituta In huius rei testimonium presens scriptum sigillo nostro duximus muniendum Hiis testibus domino Egidio Berksyr[] archidiacono magistro Stephano de Manecest[re] Girardo de Wingeham Petro de Cumba Waltero de la Wile Galf[re]do de Bedeford canonicis Sar[esburiensibus] Petro de Winburne cappellano Roberto de Wichampt[ona] Willelmo de Castellis clericis nostris et aliis Dat[] apud Sar[esburiam] xvi k[a]l[] Septembris pontificatus nostri anno xi

Source Fulltext: Reading Abbey Cartularies. B. R. Kemp. Camden Fourth Series, V.31,33. Offices of the Royal Historical Society. London. 1986-87 .