Uniuersis sancte matris ecclesie filiis Rogerus dei gracia Wygor[] episcopus salutem Suscepto domini Alexandri pape tercii mandato ut causam que vertebatur inter canonicos sancti Pauli Bed[] et illum qui detinere dicebatur ecclesiam de Holecota appellacione cessante cum dilecto fratre nostro Adam abbate de Euesham fine debito decideremus coniudice nostro competenter executo quod huius cause decisioni interesse non posset et litteras rati habicionis ab eo susceptis predicta controuersia ex partium beneplacito amicabili composicione mediante in nostra presencia finem accepit prefati siquidem canonici communi assensu sicut ex litteris eorum intelleximus prescriptam ecclesiam de Holecote Gilberto Passelewe et heredibus suis ad eligendas in ea personas et presentandas absque omni reclamacione concesserunt et carta sua quam inspeximus confirmauerunt retentis sibi tamen v solidis annuatim duobus terminis soluendis scilicet xxx d in annunciacione beate Marie et xxx d in festo sancti Michaelis Nicholaus quorum prescripte ecclesie persona sacramenti religione interposita firmauit se absque fraude et diminucione prescriptos v s quamdiu ipsius ecclesie persona fuerit in terminis prenominatis annuatim fideliter prefatis canonicis soluturum Quod et omnes persone successure antequam instituantur facere ac obseruare tenebuntur hanc transactionem Se fideliter obseruaturum Gilbertus prenominatus tactis sacrosanctis euangeliis pro se et heredibus suis iurauit Facta est autem hec transactio apud Wyndelesor[] in domini regis capella anno verbi incarnati m c lxxvj viij kalendis Februarii Hanc itaque transactionem auctoritate apostolica qua intebamur salua in omnibus diocesam episcopi dignitate confirmauimus et sigilli nostri appensione roborauimus Teste Nicholao archidiacono de Hunt[] Symone archidiacono Wig[] magistro Moise et aliis

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.