Memorandum quod anno domini m cc liiij die Jouis proximo post festum sanctorum Fabiani et Sebastiani domino Henrico dei gratia Linc[] episcopo exercente officium visitacionis sue in monasterio de N pontificatus sui anno j comparuit coram eo ibidem in loci capitulo dominus W de Bellocampo per Philippum clericum sum procuratorem eius legitime constitutum per litteras patentes eiusdem domini habentem specialem potestatem iurandi in animam ipsius et ad recipiendum nomine eiusdem domini sui quod dominus episcopus volebat super eo quod dictus nobilis fecerat dominum Stephanum tunc priorem de N die quo installatus fuerat in dicto prioratu post suam canonicam installacionem in eiusdem nobilis presencia reinstallari in preiudicium ecclesiastice libertatis prout per legitimam inquisicionem super hoc factam idem dominus episcopus acceperat qui quidem procurator super hiis ad racionem positus recognouit iudicialiter confitendo quod dominus suus predictus [n]ullum ius habet circa installacionem predictam nec in aliquibus aliis in dicto prioratu ad spiritualitatem pertinentibus nec habere contendit set solum custodiam temporalium vacante ipso prioratu ut pote patronus eiusdem loci confessus est eciam ipsum suum dominum circa predictam reinstallacionem indebite excessisse unde veniam super hoc et graciam domini episcopi nomine sui domini cum instancia postulauit Dominus igitur episcopus dicto nobili quantum secundum deum poterat graciam volens facere specialem recepto sacramento a dicto procuratore corporaliter prestito tactis sacrosanctis in animam dicti domini sui de parendo iuri et stando mandatis episcopi in hac parte a sentencia excommunicacionis in genere lata contra perturbatores ecclesiastice libertatis in forma iuris absoluit nobilem supradictum eidem procuratori nomine domini sui sub debito sacramenti prestiti iniungendo ne dictus dominus suus sui heredes aut successores de cetero inperpetuum de installacione alicuius prioris de N aut de aliis que ad spiritualitatem pertinent se aliquatenus intromittant ad que fideliter obseruanda dictus procurator ipsum dominum suum et heredes ac successores in virtute dicti prestiti sacramenti firmiter inperpetuum nomine procuratoris obligauit Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.