In nomine Patris et Filii et Spiritus Sancti Amen Anno domini m cc lx secundo in uigilia sancti Andree apostoli cum materia contentionis inter abbatem et conuentum de Wardon et priorem et conuentum de N esset suborta de decimis cuiusdam culture quas Robertus Treweloue et Walterus Godman tenent de monachis de Wardon ad firmam amicabili compositione quieuit in hunc modum uidelicet quod dicti abbas et conuentus concesserunt quod de eadem cultura quam dicti Robertus et Walterus tenent decime matrici ecclesie de Southzeuel siue ad firmam siue quocunque titulo a persona seculari teneantur et possideantur sine quacunque contradictione monachorum de Wardon integre soluantur ita tamen quod si dicta terra ad dictum monasterium de Wardon reuertatur in proprios usus excolenda concesserunt prior et conuentus de N quod dictus abbas et conuentus de Wardon quamdiu eam tenuerint et propriis sumptibus excoluerint a prestatione decimarum de dicta cultura prouenientium sint immunes In cuius rei testimonium abbas et conuentus de Wardon ex una parte prior et conuentus de N ex altera alternatim huic cyrographo sigilla sua apposuerunt

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.