Notum sit tam presentibus quam futuris inter ecclesiam sancti Pauli Bed et ecclesiam sancti Petri eiusdem uille que est possessio Meretonensis ecclesie controuersiam fuisse de decimis duarum terrarum uidelicet terre comitis Waldeui et terre Stephani Longi que est in sartis que tali compositione sedata est ab utraque parte concessum est pro pace et concordia inter predictas ecclesias ut ecclesia beati Pauli perpetuo possideat decimam terre comitis Waldeui et ecclesia beati Petri decimam terre Stephani Longi que est in sartis Et ne ulterius aliqua inter predictas ecclesias oriatur controuersia statutum est ut utraque ecclesia perpetuo iure teneat omnes decimas quas die illo possidebat quo compositio ista facta est Facta est autem anno m c lxx ab incarnatione domini iiij Maii Hec compositio facta est per priores Willelmum et Augerium annuente conuentu utriusque ecclesie et ut rata permaneat sigillis earundem ecclesiarum est confirmata Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.