Anno ab incarnacione domini m cc xxxij mense aprilis in ecclesia conventuali de sancto Neoto coram viris venerabilibus Almarico de Bed[] Gilberto de Hunt[] archidiaconis a domino Lincoln[] Hugone secundo delegatis inter Rogerum priorem et conuentum de Hunt[] ex una parte et Herueum priorem et conuentum de N ex altera super exaccione annui redditus decem solidorum super ecclesia de Wrastlyngworthe a parte prioris et conuentus de Hunt[] huiusmodi finalis concordia annuente domino intercessit prefati prior et conuentus de N reddent singulis annis pro omnibus exaccionibus priori et conuentui de Hunt[] duos solidos unam videlicet medietatem in festo annunciacionis dominice et alteram medietatem in festo sancti Michaelis et si contigerit inposterum priorem et conuentum de N ultra decem solidos aliquid de predicta ecclesia nomine annui redditus perpetui percipere ex tunc reddent prefatis priori et conuentui de Hunt[] inperpetuum decem solidos in illis terminis quibus solebant reddere tantum duos solidos prenominatos pro omnibus exaccionibus nunc competentibus vel quocumque tempore competituris Pro hac autem finali concordia firmiter ac fideliter deinceps tenend subiecerunt se predicti priores et conuentus jurisdictioni archidiaconorum de Hunt[] et de Bed[] inperpetuum ut si forte alterutra partium eam perturbare presumpserit auctoritate predictorum archidiaconorum omni appellacione et excepcione remotis sicut viderint melius expedire compescatur Ut autem huic concordie nichil desit firmitatis ad omnimodam caucionem et pacis perpetue solidate eidem in modum cyrographi conscripte tam sigilla predictorum conuentuum de Hunt[] et de N quam prenominatorum archidiaconorum de Bed[] et de Hunt[] prouidenter et unanimitater sunt appensa ceteris omnibus instrumentis et scriptis ad hoc idem negocium pertinentibus hinc inde qualitercumque confectis ab utraque parte fideliter exhibitis et in nichilum redactis ita sane ut si in futurum aliquod tale instrumentum vel scriptum in iudicio vel extra ab alterutra parte exhibita fuerit nullas omnino vires utpote dampnata penitus et mane optinebit

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.