Notum sit omnibus Christi fidelibus quod ita conuenit inter fratrem Henricum abbatem Leyrcestr et eiusdem loci conuentum ex una parte et fratrem Stephanum priorem de N et eiusdem loci conuentum ex altera per concordiam factam coram baronibus de scaccario domini regis apud Lond anno regni regis Henrici filii regis Iohannis quadragesimo quarto uidelicet quod predicti prior et conuentus respondebunt de cetero domino regi de seruitio illius terre gildabilis quam predicti abbas et conuentus tenent in Scharnebrok de feodo Willelmi Triket militis et predicti abbas et conuentus reddent eisdem priori et conuentui quatuor solidos argenti et tres denarios quando scutagium assisum sit ad quadraginta solidos et quando scutagium assisum sit ad plus et quando ad minus Et predicti prior et conuentus respondebunt domino regi de omnibus arreragiis predicti feodi usque ad confectionem huius scripti et ad maiorem huius rei securitatem predicti abbas et conuentus sigillum capituli sui huic scripto apposuerunt

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.