Omnibus Christi fidelibus ad quos presens scriptum peruenerit I archidiaconus Bed salutem in domino Cum inter priorem et conuentum de N ex una parte et Radulphum de Gold ex altera super quibusdam terris decimis et aliis causis uariis utrimque motis tam in foro seculari quam ecclesiastico coram diuersis iudicibus tum ecclesiasticis tum secularibus contentio diutius uerteretur nos tandem de uoluntate et assensu partium super omnibus contentionibus hinc inde propositis pensatis et intellectis diligenter singulorum articulis prestito prius ab utraque parte corporaliter sacramento quod nostre prouisionis parerent in omnibus artitrio consilio et uoluntati inter ipsos composuimus in hunc modum uidelicet quod partes predicte gratis et liberaliter sibi inuicem remiserunt omnes actiones huic inde competentes siue que sibi usque ad diem idem qualitercumque competiisse poterant uel uidebantur se nihilominus iurisdictioni nostre subitientes ut si forte alterutra partium contra prouisionem istam nostram proueniret in aliquo omni appellatione et exceptione cessante partem resistentem possemus nos uel qui pro tempore archidiaconus Bed extiterit ad eius obseruationem per censuram ecclesiasticam cohercere Ut autem hec compositio a nobis facta et a partibus acceptata firma futuris temporibus et stabilis perseueret in huius robur et testimonium presenti scripto in modum cirographi confecto sigillum nostrum una cum sigillis partium apposuimus uidelicet illi parti quam habent prior et conuentus de N sigillum Radulphi de Gold cum sigillo nostro parti uero eiusdem Radulphi sigillum prioris et conuentus de N similiter cum sigillo nostro Actum anno regni regis Henrici filii regis Iohannis xiv kalendas Iunii Teste domino Alexandro priore de Caldewelle et aliis

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.