Hec est finalis concordia facta in curia domini regis apud Bed[] in octabis sancti Martini anno regni regis Henrici filii regis Johannis tricesimo nono coram Johanne abbate de Burgo sancti Petri magistro Simone de Wauton[] Roberto de Shotindon[] Willelmo Trussel Johanne de Kaue et Nicholao de Haule justiciariis itinerantibus et aliis domini regis fidelibus tunc ibi presentibus inter Willelmum filium W de Puttes petentem et Stephanum priorem de N tenentem de uno mesuagio et dimidia virgata terre cum pertinenciis in Kerdinton[] et inter eundem Willelmum petentem et Hugonem filium Willelmi tenentem de uno mesuagio et dimidia virgata terre cum pertinenciis in Rokesdon unde assisa mortis antecessoris summonitum fuit inter eos in eadem curia scilicet quod predictus Willelmus recognouit predictum mesuagium et terram cum pertinenciis que exigebat versus predictum priorem esse jus ipsius prioris et ecclesie sue de N et illa remisit et quietum clamauit de se et heredibus suis predicto priori et successoribus suis et ecclesie sue predicte inperpetuum Et preterea idem Willelmus remisit et quietum clamauit de se et heredibus suis predicto Hugoni et heredibus suis totum jus et clameum quod habuit in predictis mesuagio et terra cum pertinenciis que exigebat versus eundem Hugonem inperpetuum Et pro hac recognicione remissione quieta clamacione fine et concordia predicti prior et Hugo dederunt predicto Willelmo unum speruarium sorum etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.