Hec est finalis concordia facta in curia domini regis apud Westm[] a die sancti Johannis Baptiste in quindecim dies anno regni regis H filii regis Johannis vicesimo ij coram Roberto de Lexinton[] Willelmo de Culeworth[] Hugone Giffard[] et Henrico de Bathon[] justiciariis et aliis domini regis fidelibus inter Humfridum de Boun comitem Hereford[] petentem et priorem de N tenentem de centum solidatis terre cum pertinenciis in Querendon[] quas idem prior habuit de dono Johannis de Swanborne fratris sui et quas idem Johannes habuit de dono Matildis de Boun quondam comitissa Hereford[] pro quieta clamancia manerii de Querend[] unde placitum fuit inter eos in eadem curia scilicet quod predictus prior recongnouit predictas centum solidatas terre cum pertinenciis esse jus ipsius Comitis et illas ei reddit in eadem curia et pro hac recongnicione et reddicione fine et concordia idem comes recognouit et concessit pro se et heredibus suis quod idem prior et successores sui habeant et teneant predictas centum solidatas terre cum pertinenciis de Johanne filio Galfridi cui dedit predictum manerium de Querend[] et de heredibus suis faciendo inde sextam partem feodi unius militis pro omni seruicio donec terra cum pertinenciis quam Robertus Passeleue tenet ad vitam suam fuerit deliberata tunc idem prior et successores sui habeant illam et teneant de ipso Johanne et heredibus suis per seruicium quod predictus Robertus facere consueuit pro predicta terra pro omni seruicio ita plene et integre secundum quod terra illa fuit in omnibus rebus quando data fuit ipso R et quando carta sua ei facta fuit de feoffamento et tunc predicte centum solidate terre cum pertinenciis integre remanebunt predicto Johanni et heredibus suis inperpetuum Et si forte contigerit quod predictus Robertus aliquem feoffauerit de aliqua parte illius terre de Swaneborne aliquo tempore post donacionem ei factam a prefata comitissa antequam fuerit deliberata Sicut predictum est idem prior et successores sui retinebunt in manu sua de predicta terra de Querend[] ad valenciam secundum estimacionem proborum hominum per racionabilem extensionem donec terra illa que sic a predicto R data fuerit sit deliberata et cum fuerit deliberata tunc idem prior et successores sui illam integre teneant similiter cum altera parte quam inde prius tenuerunt et predictus J et heredes sui integre habeant predictas centum solidatas terre sine omni contradiccione ipsius prioris et successorum suorum inperpetuum Et pro hac concessione fine et concordia idem prior dedit predicto J xv marcas argenti Et sciendum quod Johannes de Swanborne presens fuit in eadem curia et remisit et quietum clamauit de se et heredibus suis totum jus et clameum quod habuit in toto manerio de Querend[] cum pertinenciis inperpetuum et concessit quod si aliquam cartam monumentum de predicto manerio contulerit pro nullo habeatur

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.