Uniuersis sancte matris ecclesie filiis presentes litteras uisuris uel audituris offitialis domini episcopi Wynton salutem in domino Noueritis quod cum inter fratrem Iohannem de Caleto priorem de Caresbroc et dominum Radulfum eiusdem loci uicarium ex parte una et Mabillam relictam Ricardi le Cupere de Rammesdone parochianam dicte ecclesie de Caresbroc executricem testamenti dicti Ricardi quondam mariti sui et alios executores dicti testamenti ex altera super prestatione secundi melioris auerii quod in portione dicti defuncti exstitit nomine mortuarii dicte ecclesie de Caresbroc iuxta loci consuetudinem et statutum sinodale persoluendi dudum orta fuisset materia contentionis tandem nos qui ecclesias in suis iuribus et possessionibus ex offitii nostri debito conseruare tenemur et finem litibus imponere cupientes dictam Mabillam et alios coexecutores testamenti dicti Ricardi ad diem Iouis proximam post Ascensionem domini coram nobis apud Burton in Insula Uecta habere fecimus euocari ad exhibendum dictum testamentum et ad ulterius faciendum in premissis quod iuri consonum fuerit et equitati que quidem Mabilla executrix una cum coexecutoribus suis dictis die et loco coram nobis comparuit et testimonium dicti Ricardi coram nobis exhibuit Nos inspectis iam collectis uerbis testamenti comperimus in principio dicti testamenti unum bouem matrici ecclesie de Caresbroc fuisse relictum attendentes etenim communem usum uerborum quod predicta prestatio alias primum legatum alias mortuarium appellatur ac etiam consuetudinem parochie dicte ecclesie quod huisumodi prestatio secundi melioris auerii nomine mortuarii ut premittitur dicte matrici ecclesie debita existit tam ex constitutionis sinodalis statuto quam ex consuetudine et possessione in dicta parochia hactenus usitatis dictum bouum in testamento dicti Ricardi nominatum in cuius possessione dicta ecclesia de Caresbroke iam existit dicte ecclesie in perceptione secundi melioris auerii nomine mortuarii cedere declaramus et tenore presentium pronuntiamus uolentes et deffinientes quod si melius auerium dicte ecclesie prestitum ut premittitur suffitiens non appareat quod redditis ratiotianis dictorum executorem de administratione bonorum dicti defuncti si extra legata et fidei commissa de bonis dicti defuncti aliquid remaneat quod ex nostra ordinatione prout dicte ecclesie et anime dicti defuncti consulere uiderimus illud quod defuerit de predicti auerii prestatione effectualiter suppleatur In cuius rei testimonium sigillum consistoriale Wynton presentibus apposuimus Datum apud Bartun die Iouis proxima post Ascensionem domini anno domini m cc octogesimo sexto

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.