Ricardus dei gratia Cantuar[] archiepiscopus tocius Anglie primas uniuersis Christi fidelibus ad quos presens scriptum peruenerit eternam in Christo salutem Ad omnium uolumus peruenire noticiam causam que uertebatur inter dilectos filios nostros abbatem et conuentum de Messend[] et G clericum de Turuilla super ecclesia de Weston[] nobis a domino Papa Lucio iij commissam utriusque partis in concurrente assensu in hunc modum fuisse sopitam Prefatus siquidem G et successores sui prefatis abbati et canonicis singulis annis soluet lx solidos sterlingorum in ecclesia de Teppelewe pro bono pacis scilicet uiginti solidos in natali domini xx solidos ad Pascha xx solidos ad festum Sancti Michaelis Ita quod nisi predicti xx solidi in natali soluendi ad primam exaccionem canonicorum infra octo dies soluti fuerint pertaxatus clericus uel eius successor eos deferet usque Messendene Accessit autem ad hec uoluntas et assensus Willelmi de Turuilla eiusdem ecclesie patroni saluo tamen in omnibus ipsi W et heredibus suis iure patronatus in prefata ecclesia Ita quod predicti canonici nichil iuris umquam in ecclesia ipsa sibi poterunt uendicare preter predictos lx solidos Set persona eiusdem ecclesie decedente clericus ad presentacionem W uel heredum suorum institutus prefatum redditum de ecclesia illa canonicis annuatim iuramenti religione interposita persoluet Preterea canonici sicut capellam de Leie prius pacifice possederunt sub annua pensione sex solidos matrici ecclesie de Weston[] annuatim soluenda ita eam decetero pacifice et sine omni controuersia sub eadem pensione possidebunt in perpetuum Hanc autem conuencionem se firmiter obseruaturum tam prelibatus abbas quam sepedictus G clericus necnon et ipse W in presencia nostra iurauit Ita quod abbas pro se et conuentu suo coram nobis iurauit quod super ecclesiis spectantibus ad donacionem memorati W et heredum suorum nichil umquam sibi iuris uendicabunt nisi de uoluntate ipsius W uel heredum suorum Hiis testibus magistro G Couentr[] electo magistro P Blesensi archidiacono Baton[] cancellario nostro W Gloec[] archidiacono magistro R de Inglesham magistro R de Ruluest[] magistro Aimero de Partinat[] magistro R Norwicens[] Ricardo et Gaufrido Rogero decano Et aliis

Source Fulltext: Cartulary of Missenden Abbey. J. G. Jenkins. Records Branch of the Buckinghamshire Archaeological Society, V.2. Records Branch of the Buckinghamshire Archaeological Society. Aylesbury. 1938.