Hec est amicabilis concordia facta coram decano Sar[] principali judice tamen a domino papa delegato in causa que vertitur inter abbatem Belli Loci Regis et eiusdem loci conventum ex una parte et dominum Ric[] de Tregot militem ex altera videlicet quod cum dictus abbas peteret a domino Ric[] decimas feni de dominico suo de Treinent et arreragia eiusdem de tempore suo et expensas in lite factas et faciendas idem Ric[] recognovit deo et ecclesie sancti Kyrani et predicto abbati plenarie decimas feni de predicto dominico suo solvendas pro ut consuetudo patrie se habet Idem vero abbas remisit omnem actionem quam intentabat vel intentare poterat adversus dictum de retroactis temporibus Et idem Ric[] corporali juramento prestito promisit fidelitatem dicto abbati et eiusdem conventui et omnibus hominibus eorundem sub pena unius marce que estimatio fuit areragiarum solvende operi ecclesie sancti Kyragni Si commissa fuerit quod absit si vero aliquid questionis emergat inter dictum abbatem et sepedictum Ric[] vel eorundem tenentes vel e converso illa questio determinari debet per amicos hinc inde electos in modum arbitrii et si sic determinari non possit vel per curiam abbatis aliam curiam sine contradictione vel calumpnia quicumque fuerit conquerens libere querat Et ut hoc totum firmum robur optineat huic presenti scripto in modum cyrographi desciso alter alterius scripto vicissim sigillum suum una cum sigillo dicti judicis apposuit Actum anno gratie mccl in festo sancti Petri quod dicitur ad vincula Hiis testibus et cetera

Source Fulltext: Beaulieu Cartulary. S. F. Hockey. Southampton Record Series, V.17. Southampton University Press. Southampton. 1974.