Omnibus sancte matris ecclesie filiis ad quos presens scriptum peruenerit Henricus Dei gratia abbas Sancti Eadmundi salutem in Domino sempiternam Cupientes in quantum scimus et presumus eos fideliter diligere et specialiter tueri qui Deo et sanctis eius in fundo nostro continue ac perpetue seruire preelegerunt concedimus et confirmamus domino Willelmo priori de Eya et successoribus et fratribus suis ibidem Deo seruientibus locum qui dicitur Eadburgtre in parrochia de Pelecoch cum capella et cum omnibus pertinentiis suis perquisitis et perquirendis ad usum hospitalitatis et pauperum ecclesie monachorum de Eya saluis semper nobis et successoribus nostris abbatibus Sancti Eadmundi et ecclesie nostre duobus cereis duarum librarum per manum prioris de Eya qui pro tempore fuerit annuatim ad Translationem Sancti Eadmundi super altare Sancti Eadmundi fideliter reddendis in signum et testimonium baronie nostre Si autem forte contingat quod absit quod predictus prior et successores sui inplacitentur uel aliquid amittant de tenementis feudi nostri nos non tenebimur ad warantizationem uel excambium eis facienda In cuius rei testimonium presenti scripto in modum cyrographi confecto nos sigillum nostrum apposuimus parti dicti prioris et conuentus sui et prefatus prior sigillum suum apposuit parti nostre Actum aput Elmeswell[] vii idus Martii anno gratie mccxl secundo Hiis testibus magistro Willelmo de Clar[] archidiacono Subir[] dominis Willelmo Thalebot Iohanne de Ripar[] Thoma de Hemegraue militibus Waltero de Bradefeud Roberto de Neck[] Ricardo de la Bruer[] Willelmo le porter de Eya et aliis

Source Fulltext: Eye Priory Cartulary and Charters. Vivien Brown. Suffolk Charters, V.12. Suffolk Records Society. Boydell Press. Woodbridge, Suffolk. 1992.