Omnibus Christi fidelibus ad quos presens scriptum pervenerit h[ugo] Dei gratia abbas de Langel[] et N prior de Langel[] salutem in Domino Mandatum domini pape suscepimus in hec verba Honorius episcopus servus servorum Dei dilectis filiis abbato de Langel[] et eiusdem loci et de Wangeford[] prioribus Norwicensis diocesis salutem et apostolicam benedictionem Conquesti sunt nobis prior et conventus de Eya quod rector ecclesie de Rikinhal[] h[ugo] miles et quidam alii Norwicensis diocesis super terris decimis et rebus aliis iniuriantur eisdem Ideoque discretioni vestre per apostolica scripta mandamus quatinus partibus convocatis audiatis causam et apellatione remota fine debito terminetis facientes quod statueritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint per districtionem eandem apellatione cessante cogatis veritati testimonium perhibere Quod si non omnes hiis exequendis potueritis interesse duo vestrum ea nichilominus exequantur Dat[] Lateran[i] idus Martii pontificatus nostri anno primo Huius igitur auctoritate mandati ad instantiam prioris et conventus de Eya una cum iudice nostro priore de Wangeford[] fecimus citari B personam de Rikinghal[] et w[illelmum] eius vicarium et h[ugonem] de Rikingehal[] militem ut coram nobis comparerent dictis priori et conventui de Eya ressponsuri et iurisperituri super decimis de dominico predicti h[ugonis] militis scilicet duabus garbis de nonies viginti acris quas tenet de honore Eye in villa de Rikingehale Constitutis tandem coram nobis in iudicio predicto priore pro se et conventu suo et prefato w[illelmo] vicario de Rikinghal[] procuratore predicti B persone et h[ugonis] militis ad totam causam ad defendendum et etiam componendum post multas altercationes lis in hunc modum coram nobis in iudicio contestata est Prior et conventus de Eya petunt ab eis duas garbas decimarum de dominico h[ugonis] de Rikinghal[] militis quod tenet de honore Eye scilicet de nonies viginti acris terre in eadem villa quibus ab eis spoliati sunt iniuste et petunt restitui Item petunt ab eisdem spoliatoribus quicquid post spoliationem dictarum decimarum inde perciperunt et dicunt se spoliatos esse iam quinque annis elapsis et dicunt partium dictarum decimarum valere per quinque annos quinque marcas argenti Ad hec w[illelmus] vicarius de Rikingehal[] procurator B persone et h[ugonis] militis de Rikingehal[] litem contestando resspondit quod non spoliaverunt priorem et conventum de Eya dictis decimis Dicit etiam quod ecclesia sua de Rikinghal[] a prima sui fundatione possedit et adhuc possidet dictas decimas et quod de iure communi et parrochiali spectant ad ecclesiam suam Nos vero lite in hunc modum contestata testes predicti prioris et conventus de Eya admisimus et eos diligenter examinavimus et attestationes in iure puplicavimus Postea vero procurator predictorum B persone et h[ugonis] militis in iure coram nobis constitutus recognovit dictas decimas ad priorem et conventum de Eya ex donatione fundatorum monasterii sui et confirmatione episcoporum pleno iure pertinere tam de iure proprietatis quam possessionis Nos vero audita eius confessione in iure instrumenta dicti prioris et conventus diligenter inspeximus ex quibus omnibus perpendimus predictas decimas ad predictos priorem et monachos de Eya pleno iure pertinere scilicet tam ex dicti procuratoris confessione tam ex dictis testium coram nobis productorum quam ex tenore instrumentorum Nos vero auctoritate apostolica priore de Wangeford[] canonice se excusante dictas decimas priori et conventui de Eya quoad proprietatem et possessionem sententialiter adiudicavimus et earum possessionem eos mitti fecimus et predictos B personam et w[illelmum] vicarium et h[ugonem] militem pro ablatis per spatium quinque annorum in quinque marcis condempnavimus Et in huius rei testimonium et ad perpetuam processus huius cause memoriam sigillis nostris hoc scriptum munivimus et auctoritate domini pape confirmavimus Dat[] est autem hec sententia a nobis anno ab Incarnatione Domini mccxx aput Norwic[] in maiori ecclesia in crastino Sancte Margarete virginis proximo post translationem Beati Thome martiris

Source Fulltext: Eye Priory Cartulary and Charters. Vivien Brown. Suffolk Charters, V.12. Suffolk Records Society. Boydell Press. Woodbridge, Suffolk. 1992.