Omnibus sancte matris ecclesie filiis presens scriptum inspecturis Willelmus Dei gratia Londoniensis episcopus salutem in Domino Ex oblato nobis uenerabilis fratris nostri ac predecessoris pie memorie Ricardi quondam Londoniensis episcopi scripto auctentico perpendimus euidenter ipsum predecessorem nostrum dilectis in Christo filiis abbati et monachis Sancti Johannis Colecestrie ecclesiam de Berqueia cum decimis et obuentionibus et omnibus ad eandem ecclesiam pertinentibus ad eorum domus habundantiorem sustentationem in usus proprios conuertendam inperpetuum concessisse salua uicaria octo marcarum annuarum in certis portionibus capellano in eadem ecclesia ministraturo assignanda Vicarius etiam quisquis ille fuerit omnia onera episcopalia in se suscipiet sustinenda Nos igitur ejusdem predecessoris nostri factum pium et laudabile plurimum in Domino commendantes ejusque uestigiis inherentes concessionem ejus et factum super ecclesia predicta rata habemus et grata Concedentes quantum ad episcopalem pertinet dignitatem ut predictus abbas et monachi ipsam ecclesiam cum omnibus ad eam pertinentibus libere habeant et pacifice possideant ut persone fructus ejusdem omnes in usus suos proprios conuertendo Quod ut perpetue robur optineat firmitatis presenti scripto sigillo nostro munito duximus confirmandum Hiis testibus Magistris Willelmo archidiacono Londoniensi Willelmo archidiacono Middelsexie Willelmo de Purle et Willelmo Andegauiensi canonicis Londoniensibus Martino de Bockinges Stephano de Essele Radulfo de Herlawe et Rogero de Londonia clericis et aliis Data apud Sanctam Osytham anno domini m cc xx Quinto Idus Januarii Pontificatus nostri anno vicesimo secundo

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.