Robertus Dei gratia Lincolniensis episcopus Omnibus sancte matris ecclesie filiis ad quos presens scriptum peruenerit salutem in uero salutari Nouerit uniuersitas uestra nos intuitu Dei et fauore religionis ad petitiones Willelmi et Huberti de Sancto Claro quorum cartas inspeximus concessisse et confirmasse monachis Sancti Johannis de Colecestria ad uestimenta sua ecclesiam de Hamertona cum omnibus suis pertinentiis et prouentibus in usus proprios perpetuo possidendam Saluo in omnibus honore et reuerentia Sancte Marie Lincolniensi ecclesie Et salua competenti vicaria assignanda in minutis decimis et obuentionibus altaris vicario qui ad presentationem abbatis et monachorum in eadem ecclesia perpetuo ministrabit Qui uicarius de omnibus episcopalibus consuetudinibus nobis et successoribus nostris debet respondere Confirmamus etiam eis omnes possessiones suas tam in terris quam in decimis quas in episcopatu Lincolniensi pia fidelium largitione canonice sunt adepti Nominatim de Bertona et de Sandeya et de Sanfordia duas partes decimarum et de Eatona dimidiam decimam et totam decimam molendinorum et padnagii De Estonia duas partes decimarum Et de Walchra duas partes decimarum et de molendino totam decimam sicut eedem possessiones et decime auctentico scripto illustris regis Anglorum Henrici necnon et aliorum fidelium qui easdem possessiones pro redemptione animarum suarum Deo optulerunt ecclesie Sancti Johannis Baptiste et precursoris domini confirmantur Confirmamus etiam eidem monasterio Sancti Johannis quicquid infuturo prestante domino in episcopatu Lincolniensi pia fidelium deuotione iustis modis poterunt adipisci Ut autem hec nostra concessio et confirmatio perpetuam habeat cum firmitate stabilitatem eam presentit scripto perpetuare et sigilli nostri patrocinio curauimus roborare Hiis testibus Martino thesaurario Laurentio canonico Magistro Nigello Magistro Petro Symone clerico Mauricio presbitero Roberto clerico Mauricio et Alexandro capellanis

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.