Omnibus Christi fidelibus Rogerus Dei gratia Londoniensis episcopus salutem in domino Ex oblatis nobis uenerabilium fratrum nostrorum ac predecessorum pie memorie Gileberti Ricardi et Willelmi quondam Londoniensium episcoporum scriptis auctenticis perpendimus euidenter ipsos predecessores nostros dilectis in Christo filiis abbati et monachis Sancti Johannis Colecestrie ecclesias Sancti Egidii Colecestrie et de Mundona cum omnibus earum pertinentiis ad eorum domus habundantiorem sustentationem in proprios usus conuertendas inperpetuum concessisse et confirmasse salua uicaria in ecclesia de Mundona et salus competenti sustentatione capellani in ecclesia Sancti Egidii pro tempore ministrantis cum omnibus etiam pensionibus et decimis dictis abbati at monachis per instrumenta ipsorum predecessorum nostrorum concessis et confirmatis Que omnia in scripto isto propriis duximus exprimenda uocabulis In primis de ecclesia de Grenestede pensionem sex solidorum de ecclesia de Estdonilanda pensionem dimidie marce de ecclesia de Hetha pensionem quinque solidorum de ecclesia de Thurituna pensionem trium solidorum de ecclesia de Neuuechirche in Londonia pensionem xxiiii solidorum de ecclesia Sancti Stephani de Walebrok in Londonia pensionem decem solidorum de ecclesia de Picheseia pensionem unius marce Consequenter etiam annectimus de decimis sic de dominico de Brichlingeseia duas partes decimarum cum capella in eorum territorio sita de dominio de Wileya ii partes decimarum de dominico de Estdonilanda duas partes decimarum de dominico de Grenestede omnes decimas de dominico Walteri de Haia in Dikeleya duas partes decimarum et de dominico ejusdem in Merseya duas partes decimarum de dominico Rogeri de Viliers in Suthflieth omnes decimas de dominico castelli Colecestrie omnes decimas cum capella castelli ejusdem et cum capella Sancte Helene de Colecestrie et earum pertinentiis Totam decimam molendini de Middelmelne De Boytune duas partes decimarum dominii De Takeleya duas partes decimarum dominii quod fuit Willelmi de Havuilla De Adgareslawe omnes decimas dominii preter tres trauas frumenti et tres trauas auene et preter unum porcellum et unum agnum que debentur more solito ecclesie parochiali Duas partes decimarum dominii de Picheseia cum capella in eorum territorio sita Item in Takeleya capellam in eorum territorio sitam Item in Adgareslawe capellam in eorum territorio sitam De dominico de Hornigdona Euerardi omnes decimas In Legra duas partes decimarum dominii et decimas quas habent in aliis duabus Legris Totam decimam padnagii parcorum Eudonis dapiferi et nemorum et virgultorum et molendinorum ejusdem Eudonis De Waledena decimas molendinorum et lane De Stanweya et de Lexedena et Hallingebiri duas partes decimarum De Sabrichteswrde tertiam partem decimarum de dominicis Galfridi de Sai Warini filii Geroldi Abbatis Sancti Eadmundi Michaelis filii Henrici de Grenstede Warini filii Walteri filii Helye et Ailwardi camerarii tam in minutis decimis quam in garbis et totam decimam molendinorum quequidem omnia antiquitus fuerunt vnum dominicum De Roinges Morel totam decimam dominii Radulfi Morel et duas partes decimarum dominii Walteri de Merc in eadem Roinges De Wautham tertiam partem decimarum dominii De Witham duas partes decimarum dominii Totam decimam padnagii Eudonis dapiferi et pullorum equarum ejus In Roinges Abbatisse totam decimam dominii Fulconis dapiferi De Dunmawe totam decimam dominii Radulfi de Bermers De Chaluedone totam decimam dominii In Steple decimas quas habent de dominico Luce de Brockesheued In parochia de Geldham totam decimam de dominio Guncelini preter tres acras unam frumenti et aliam auene debitas ecclesie de Geldham et tertiam acram dimidiam frumenti dimidiam auene debitam ecclesie de Topesfeld Item Hermitagium in Writele cum capella et terris et decimis et omnibus pertinentiis suis quod heremitagium vocatur Bedemannesberga Item ecclesiam Sancte Marie Magdalene de Colecestria cum suis libertatibus Nos igitur eorundem predecessorum nostrorum factum pium et laudabile plurimum in Domino commendantes eorumque vestigiis inherentes concessionem eorum et factum super predictis ecclesiis pensionibus et decimis rata habemus et grata et omnia predicta dictis abbati et monachis inperpetuum possidenda concedimus et confirmamus Preterea concedimus eis ad eorum domus uberiorem sustentationem in usus proprios inperpetuum conuertendas omnes decimas subscriptas et eis eadem episcopali auctoritate confirmamus videlicet duas partes decimarum de dominico Hugonis de Boxstede totam decimam dominii de Westdonilanda capellam de Parco in Lexedena cum tota decima padnagii et herbagii et duas partes decimarum feni omnium pratorum Eudonis dapiferi in Stanweia et Lexedena et Hallingebiri duas partes decimarum de dominio Stephani le Bloy in Bumstede In Stanweya duas partes decimarum garbarum et herbagii de dominio Willelmi de Hauilla In Peltendone duas partes decimarum de terra Alardi Item aduocationem ecclesie Sancti Nicholai in Colecestria Item omnes decimas molendinorum et virgultorum et ortorum et nemorum et pratorum suorum propriorum in Colecestria in Dunilandis in Grenestede in Wileya in Brichlingeseia in Mundona in Picheseia in Takeleia in Adgareslawe Et totam decimam molendinorum de Stokesmelne et Northmilne et de Lexedena Ut igitur concessiones et confirmationes tam predictorum predecessorum nostrorum quam nostre perpetuum robur optineant firmitatis et stabiles inperpetuum perseuerent presens scriptum sigilli nostri munimine duximus roborandum Hiis testibus domino Galfrido decano Sancti Pauli Magistris Petro archidiacono Londoniensi Johanne precentore nostro Willelmo de Sancte Marie Ecclesia Willelmo de Lichefeld Johanne de Belemeins Hugone de Sancto Eadmundo Willelmo de Lodenes Ricardo de Wendouere Willelmo filio Roberti Willelmo de Weburne canonicis Sancti Pauli domino Henrico et Waltero clericis nostris et aliis Acta Londonie Anno gratie m cc xxx vij In crastino Sancte Lucie

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.