Omnibus Christi fidelibus ad quos presens scriptum peruenerit Willelmus Dei gratia episcopus Norwycensis salutem in domino Nouerit uniuersitas uestra nos ad presentationem abbatis et conuentus Sancti Johannis Colecestrie patronorum et personarum ecclesie de Aldeburgh dilectum in Christo filium Adam de Westle capellanum ad vicariam ipsius ecclesie admisisse ipsum in ea canonice vicarium perpetuum instituisse cum onere ministrandi personaliter in eadem Saluis in omnibus episcopalibus consuetudinibus et Norwycensis ecclesie dignitate Consistit autem ipsa vicaria in tota dicta ecclesia et capella cum omnibus ad easdem pertinentibus excepta tantum decima garbarum quam monachi de Snapes integre possidebunt et quieti remanebunt a prestatione decimarum majorum et minorum de dominico suo in Aldeburgh Vicarius etiam soluet dictis monachis tres marcas annuas in duabus Synodis Norwycensibus Et sustinebit omnia onera episcopalia et archidiaconalia debita et consueta Quod vt perpetuam optineat firmitatem presenti scripto sigillum nostrum duximus apponendum Hiis testibus Magistro Rogero Pincerna Suffolchie Willelmo de Clare Subyriensi archidiacono et Willelmo de Oxon Philippo de Godalminges et Johanne de Chelebautona capellanis Johanne de Leoministre Waltero de Biche et Willelmo de Doncheswelle clericis et aliis Data per manum predicti archidiaconi Suffolchie apud Thornedische iii Nonas Decembris Pontificatus nostri anno quarto

Source Fulltext: Cartularium Monasterii sancti Johanni Baptiste de Colecestria. S. A. Moore. Roxburghe Club Publications, 131. Roxburghe Club Publications. Chiswick Press. London. 1897.