Omnibus Christi fidelibus has litteras inspecturis r[obertus] dei gracia Linc[] episcopus salutem Noueritis quod cum lites mote essent coram iudicibus a domino papa delegatis inter R rectorem ecclesie de Eton[] et R eiusdem ecclesie uicarium actores ex parte una et priorem et canonicos de Bisshemade et eorum seruientes reos ex altera super iure percipiendi ecclesiastica sacramenta dictorum seruiencium cum dicta domus sita sit infra limites ecclesie parrochie de Eton[] et eciam super iura parrochiali[a] que alii parrochiani de Eton[] soluunt dicte ecclesie de Eton[] item et cum lis esset mota inter easdem personas super iniusta detencione corporis Willelmi de Costentin defuncti qui corpus suum apud Bisshemade legauerat sepeliendum ut dicebant dicti canonici et super iniectione manum uiolenta pretextu eiusdem corporis demum super omnibus dictis causis partes ordinationi nostre sub pena decem marcarum se spontane uoluntate subiecerunt et ante quam ad ordinacionem processimus partes super predictis litibus inter se amicabiliter composuerunt quam composicionem nos ordinantes approbamus Videlicet quod predicti prior et canonici de Bisshemade pacifice habebunt liberam sepulturam seruiencium suorum in dicta domo commorancium et oblaciones et confessiones et mortuaria eorundem sicut ecclesia de Eton[] haberet de familia alicuius militis uel alterius layci si loco prioratus habituret Habebunt etiam sepulturam quilibet pauperum ibidem commorancium pro anima Henrici de Braibroc Item habebunt sepulturam aliorum qui ibidem sepulturam elegerunt saluo iure matris ecclesie de Eton[] dum tamen de electione sepulture legittime constiterit conferant tamen licite si quid uelint ante mortem matrici ecclesie de Eton[] Licebit eciam dictis seruientibus tam in ultimis uoluntatibus quam aliis temporibus alicui uiro discreto confiteri quem prior et canonici ad hec deputauerint Percipiet autem ecclesia de Eton[] omnes decimas maiores et minores omnium dictorum seruientium quas infra parrochiam de Eton[] habuerint extra portam de Bisshemade uel infra et omnium negociationum dictorum seruientium si quas fecerint exceptis decimis stipendiorum dictorum seruiencium de quibus ecclesia de Eton[] nichil percipiet et si nomine stipendiorum bladum in campis acceperint more solito prius bladum decimetur et ecclesie de Eton[] decime soluentur Et si forte contingat quod aliquis in dicta domo de Bisshemade corrodium perciperit et in dicta domo fuerit commoratus si prius parrochianus dicte ecclesie fuerit parrochianus de Eton[] remaneat et omnia eidem iura soluat parrochialia nisi in introitu suo parrochiali ecclesie tamquam mortuus satisfecerit uel saluo iure matricis ecclesie ibidem elegerit sepulturam si uero de aliena fuerit parrochia et ibidem fuerit commoratus et sepulturam elegerit ecclesia de Eton[] nihil ab eo percipiet uel eius familia Ne autem ius parrochiale de Eton[] in toto ledatur sed prout possibile est illesum conseruetur dicti prior et canonici de Bisshemade dabunt ecclesie de Eton[] dimidiam marcam argenti annuatim ad duos terminos uidelicet ad festum Sancti Michelis quadraginta denarios et ad Pascha quadraginta denarios Excommunicabunt autem omnes dictarum decimarum detentores et eas scienter impedientes semel in anno tam in ecclesia de Eton[] quam in ecclesia de Bisshemade Subiecerunt partes se iurisdictioni domini Linc[] qui pro tempore fuerit omni privilegio renunciantes ut eas ad obseruationem dictarum composicionis et ordinacionis sine alique contradictione compellat Et ut ista compositio et ordinatio realiter in perpetuum rate et firme permaneant omnes una cum sigillo nostro huic scripto sigilla sua apposuerunt Actum anno domini millesimo ccxxxvi mense Septembr[] apud Bukeden[] Hiis testibus magistro Roberto de Caden[] officiali nostro magistro Henrico de Ocolt magistro Rogero de Rauelingh[] magistro Thoma le Waleys et aliis

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.