Omnibus Christi Rogerus de Templo salutem in domino sciatis me caritatis intuitu pro salute anime mee et Beatricis uxoris mee ac predecessorum et successorum meorum dedisse et concessisse in puram et perpetuam elemosinam deo et beate Marie ad lumen ecclesie de Bisshemade et canonicis ibidem deo seruientibus et in perpetuum seruituris redditum duodecim denariorum scilicet de quodam mesuagio quod Willelmus le Pecker tenet sicut iacet inter mesuagium quod Robertus le Wolf tenuit ex parte australi et mesuagium quod Matilda Sutrix tenuit ex parte aquilonari quem quidem redditum predicti religiosi recipient ad duos anni terminos scilicet ad festum sancti Michaelis sex denarios et ad festum beate Marie uirginis in Martio sex denarios sine alicuius contradictione Et ego dictus Rogerus et heredes mei uel mei assignati predictum redditum predictis religiosis contra omnes gentes warantizabimus acquietabimus et in perpetuum defendemus In cuius rei testimonium sigillum meum apposui Hiis testibus etc Data apud Bisshemade die dominica proxima post festum omnium sanctorum anno regni regis Edwardi filii regis Henrici quinto

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.