Anno domini millesimo C C nonogesimo secundo ad festum Assencionis domini ita conuenit inter Ricardum Folyoth priorem de Bisshemad[] et eiusdem loci conuentum ex parte una et Galfridum de Stilton[] cognomento Pepero ex altera in hunc modum videlicet quod dictus prior et conuentus tradiderunt dimiserunt ac dederunt in exscambium illud mesuagium quod habuerunt de quodam Waltero Frost de Stilton[] quod quidem mesuagium iacet inter mesuagium Ricardi Hunderhil et inter mesuagium Hugonis clerici tenend et habend dictum mesuagium cum omnibus pertinenciis suis predicto Galfrido et heredibus suis libere quiete bene pacifice et hereditarie de predictis religiosis reddendo inde annuatim ipse et heredes sui seu assignati predictis priori et conuentui et eorum successoribus duo altilia ad Natale domini pro omni seculari seruicio consuetudine et demanda saluo forinseco seruicio domini regis quantum pertinet ad tantum tenementum eiusdem feodi in eadem villa Et predictus Galfridus Peper tradidit dimisit et dedit predictis priori et conuentui de Bisshemade et eorum successoribus in perpetuum totum mesuagium partis sue quod participauit in medietate cum Ricardo Carectario de tenemento Murielis Payn et continet in longitudine decem et nouem perticas et dimidiam et duas perticas in latitudine et pertica habens in se dimensionem sexdecim pedum et dimidii et iacet in longitudine inter gardinum dicti prioris et terram participis sui et unam dimidiam acram siue plus habeatur siue minus que iacet ad locum qui dicitur Fiuacres inter terram Willelmi Hamslap ex parte orientali et terram Johannis le Maresscal de Folkeworh[] ex parte occidentali et predictus prior et conuentus et eorum successores predicto Galfrido Peper et heredibus suis totum predictum mesuagium sicut predictum est warantizabunt adquietabunt per predictum seruicium defendent in perpetuum Et predictus Galfridus et heredes sui seu assignati illud mesuagium quod de eo per exscambium susceperunt predictis priori et conuentui et eorum successoribus similiter warantizabunt adquietabunt et defendent in perpetuum Et si contingat aliquomodo predictos religiosos de predicto mesuagio inplacitari et pro defectu warantizacionis predictorum Galfridi et heredum suorum illud quod absit perdiderint tunc recuperabunt absque contradictione quorumcunque pristinum suum mesuagium et pacifice possidebunt Et ut hec conuencio firma sit et stabilis huic presenti scripto in modum cyrograffi confecto partes sigilla sua utrobique apposuerunt His testibus etc

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.