Sciant presentes et futuri quod ego Nicholaus Peyure miles dedi concessi et hac presenti carta mea confirmaui pro anima mea et pro anima Emme uxoris mee et antecessorum meorum deo et beate Marie et monachis de Wardon in liberam puram et perpetuam elemosinam unam marcam annui redditus quam michi debuit Johannes Bartloth et heredes sui pro terra quam de me tenuit in uilla de Aspeley cum omnibus eschaetis wardis et releuiis ad dictam terram spectantibus habend et tenend dictis monachis et eorum successoribus libere pure et quiete iure et hereditarie Et ego dictus Nicholaus et heredes mei dictis monachis et eorum successoribus dictum redditum annuum cum omnibus eschaetis wardis et releuiis contra omnes mortales warantizabimus acquietabimus et defendemus inperpetuum Et ut hec mea donacio perpetua gaudeat firmitate huic scripto sigillum meum apposui Hiis testibus magistro Willelmo rectore de Pertenhale Ricardo rectore de Clifton Willelmo de Wildebuff de Pertenhall[] magistro Johanne clerico de eadem Petro Passelewe Roberto le Carectar de Crowle Willelmo Passelewe Waltero Beyuyn et aliis Datum apud Pertenhal uigilia omnium sanctorum anno gratie millesimo cc lxx quarto Memorandum quod dimidia marca de isto redditu uendita fuit sicut patet hic inferius pro quinque marcis Et hec est tenor carte

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.