Notum sit omnibus hominibus quod ego Sibilla Reynis senior domina de Langeforde in comitatu Bed[] dedi concessi et hac presenti carta mea confirmaui in uiduitate mea Laurencio Gardinere seruienti meo de Langeforde unum mesuagium in Clifton sicut iacet circumfossatum iuxta rectoriam ecclesie ex una parte et terram Alexandri abbatis de Wardon fratris mei ex altera parte unde principale capud mesuagii abuttat iuxta regiam uiam uille uersus ecclesiam omnium sanctorum in boriale et aliud capud mesuagii abbuttat erga terram Alexandri abbatis de Wardon fratris mei habend et tenend totum predictum mesuagium dicto Laurencio Gardinere libere quiete bene et in pace sibi et heredibus suis masculis de corpore suo procreatis inperpetuum reddendo inde annuatim Alexandro abbati de Wardon et conuentui duos solidos sterlingorum per annum uidelicet duodecim denarii ad festum sancti Michaelis et ad festum Annunciacionis beate Marie uirginis duodecim denarii per equales porciones pro omnibus seruiciis sectis et demandis excepto homagio Alexandri abbatis de Wardon Et sciendum est omnibus quod predictus Laurencius non debet predictum mesuagium in Clifton alienare alicui nisi heredibus suis masculis de corpore suo procreatis nec heredes Laurencii non possunt mesuagium in Clifton uendere dare legare nec alienare nec statum facere alicui nisi licencia et uoluntate domini feodi et conuentus Et si contingat quod prefatus Laurencius sine herede masculo de corpore suo procreato obierit uolo et concedo post decessum Laurencii predictum mesuagium immediate in domum de Wardon remaneat in perpetuum Et ego predicta Sibilla et heredes mei prefatum mesuagium dicto Laurencio sibi et heredibus suis masculis de corpore suo procreatis contra omnes gentes warantizabimus et defendemus in perpetuum In cuius rei testimonium huic presenti carte sigillum meum apposui Hiis testibus domino Edwardo Foxton uicario ecclesie de Langeforde domino Roberto Holm capellano parochiali ecclesie de eadem Ambrosio Hayward Georgio Fuller Iohanne Mulward et aliis

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.