Omnibus Christi fidelibus presens scriptum visuris vel audituris Henricus de Bluntesdone custos hospitalis Domus Dei Sutht[] et eiusdem domus fratres et sorores salutem in domino Noverit universitas vestra nos unanimi concensu et bona voluntate nostra concessisse et hoc presenti scripto confirmasse Bartholomeo Asce burgensi Sutht[] Edithe uxori sue et Bartholomeo filio eiusdem Bartholomei unum celarium cum solario la fichstrete quod quidem celarium cum solario situm est in angulo iuxta domum Ricardi Anglici ex utraque parte habend et tenend predictum celarium cum solario supradicto et cum omnibus libertatibus et pertinentiis suis predictis B E et B ad totum terminum vite eorum de nobis et successoribus nostris libere quiete bene et in pace reddendo inde annuatim nobis et successoribus nostris predicti B E et B decem solidos sterlingorum ad quatuor anni terminos principales ita tamen quod si predicti B E et B vel aliquis eorum qui diutius vixerit a solutione predicti redditus per unum mensem post aliquem terminum predicti redditus cessaverint vel cessaverit quod liceat nobis et successoribus nostris predicta celarium et solarium reintrare et eadem in manus nostras resumere absque contradictione vel inpedimento predictorum B E et B nulla eisdem extunc in posterum in eisdem celario et solario per quamcumque viam iuris reclamatione valitura Nos vero predicti Henricus custos hospitalis Domus Dei predicte et eiusdem domus fratres et sorores predictis B E et B predictum celarium et solarium supradictum ad totum terminum vite eorum sicut predictum est contra omnes mortales warantizabimus acquietabimus et defendemus ita tamen quod predicti B E et B sustentabunt dictum celarium cum solario sumptibus suis propriis in adeo bono statu tam in parietibus quam in coopertura mediis temporibus usque ad finem vite eorum sicut ea receperunt In cuius rei testimonium nos predicti Henricus custos hospitalis Domus Dei supradicte et eiusdem domus fratres et sorores ex parte una et predicti B E et B ex parte altera huic scripto cyrographato in duas partes diviso sigilla nostra alternatim apposuimus Hiis testibus Petro de Lions tunc aldermanno ville Sutht[] Johanne de Holebery Willelmo Bassinggrom tunc eiusdem ville ballivis Roberto le Mercier Thoma Stout Roberto le Barber Johanne de London Ada le Horder Johanne de Puteo Nigello de la Wylderne Johanne de Schirlye Johanne de Bourgoyne Willelmo Fughel tunc clerico dicte ville Sutht[] et aliis Datum et actum die mercurie proxima ante festum beate Margarete virginis anno domini millesimo tricentesimo primo qui est annus regni regis Edwardi filii regis Henrici vicesimus nonus

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.