sciant presentes et futuri quod ego Petrus filius Bouonis de sancto Laurentio de Suthamtone dedi concessi et ad perpetuam feodi firmam tradidi Iacobo Ysembard de Suthamt quoddam mesuagium quod habui in Suthamton quod quidem recuperaui in Suthamton per breue noue dissesine uersus Bartholemeum de la Bulehuse coram domino Roberto de Brues iustitiario domini regis quod quidem mesuagium est quoddam celarium cum solario desuper petrino cum quodam curtillagio cum suis pertinentiis et uocabatur aliquando uolta Iohannis de la Bulehuse et situm est in uico qui uocatur Englisestret iuxta uoltam quam tenuit Egidius le Flemeng ex parte boreali dicte uolte ex parte orientali uici in parochia ecclesie sancte Crucis habend et tenend predictum mesuagium seu dictum tenementum cum curtillagio pertinente cum omnibus suis pertinentiis predicto Iacobo et heredibus suis uel suis assignatis libere quiete pacifice et integre ad perpetuam feodi firmam reddendo inde annuatim dominis feodi debitos redditus suos et consuetos et michi et heredibus meis uel meis assignatis viginti sex solidos sterlingorum ad quatuor anni terminos uidelicet ad festum sancti Michaelis sex solidos et sex denarios [etc] pro omni seruicio et exactione seculari Predictus uero Iacobus et heredes sui uel sui assignati predictum mesuagium seu tenementum cum omnibus suis pertinentiis in eodem statu sustinebunt in quo illud receperunt Si uero predictus Iacobus et heredes sui uel sui assignati insolutione alicuius termini defecerint licebit predicto Petro et heredibus suis uel suis assignatis predictum mesuagium seu tenementum distringere et per bona in eodem inuenta namiare quousque de solutione predicti termini non obseruati plenarie eis fuerit satisfactum et si forte contingat quod bona non inueniantur in predicto mesuagio seu dicto tenemento per quorum districtionem redditum predictum predictus Petrus et heredes sui uel sui assignati non possunt percipere uel recuperare licebit predicto Petro et heredibus suis uel suis assignatis ex concessione predicti Iacobi quoddam tenementum prefati Iacobi in quo quidem aliquando mansit Hardewynus Parmentarius in uico qui uocatur Englisestrete ex parte orientali uici in parochia ecclesie sancti Laurentii namiare et per bona in eodem inuenta distringere quousque sibi plenarie fuerit satisfactum de solutione predicti termini non obseruati ita quod predictus Iacobus non possit predictum mesuagium alicui dare uendere legare uel assignare nisi salua predicta districtione predicto Petro et heredibus suis uel suis assignatis Ego uero Petrus et heredes mei uel mei assignati uel quicumque alii ad quorum manus tenementa mea de cetero peruenerint predictum mesuagium seu tenementum cum curtillagio et cum omnibus suis pertinentiis predicto Iacobo et heredibus suis uel suis assignatis per predictum seruicium contra omnes gentes warantizare aquietare et defendere tenemur quamdiu predictum redditum inde persoluerint et predictum mesuagium seu tenementum cum suis pertinentiis competenter sustinuerint Et ut hec mea donatio concessio et perpetue firme traditio firma et stabilis in perpetuum permaneat presens scriptum in modum cyrographi confectum sigillis nostris hinc inde appositis munitum inter nos fieri fecimus et ad maiorem huius rei securitatem sigillum prepositure uille Suthamton utrique scripto apponi procurauimus Hiis testibus Henrico le Flemeng Bernardo le Moynne Willelmo Thom Radulpho le Petit Wymundo de Dertemue Iohanne Horn Thoma le Hordyr Egidio le Flemeng Gileberto presbitero Ricardo Breton Henrico clerico et multis aliis Actum apud Suthamt vicesimo octavo die mensis Augusti uidelicet die sancti Augustini episcopi et confessoris anno gratie mcclx nono

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.