Hec est conuencio facta anno ab incarnatione domini millesimo cc quadragesimo octavo inter priorem et conuentum de Dauintre ex una parte et Henricum Fabrum de eadem uilla ex altera uidelicet quod predicti prior et conuentus dederunt et concesserunt dicto Henrico et heredibus suis unam acram et unam rodam terre arabilis cum omnibus pertinenciis uidelicet unam rodam in Fulliswellemede in campo de Draiton et dimidiam acram in eodem campo super Tenacres iuxta terram dicti Henrici Fabri et unam acram in Madecroft in campo australi de Draiton cum omnibus pertinenciis suis In excambio pro una acra terre arabilis cum pertinenciis in campo boriali de Dauintre que iacet super Cranehul inter duas acras dicti prioris et conuentus quam prenominatus Henricus dedit predictis monachis et successores suis cum omnibus pertinenciis inperpetuum Hanc uero donacionem et concessionem et excambium hoc utraque pars et utriusque partis heredes et successores contra omnes gentes inperpetuum alteri parti et successoribus de heredibus suis warantizabunt et aquietabunt In cuius rei testimonium presens scriptum immodum cyrographi inter partes est confectum et sigillis illarum huic inde appositis corroboratum Hiis testibus domino Waltero filio Simonis domino de Dauintre Willelmo filio Nigelli Johanne Gemme Johanne Baineli et aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.