Sciant presentes et futuri quod nos Jacobus prior et conventus de Daventre dedimus et concessimus et hac presenti carta nostra confirmavimus Ade de Watford pro homagio et servicio suo unam dimidiam virgatam terre in Drayton cum manso illo quod est propinquius illi mansioni quam dictus Adam tenet de Galfrido Portario nostro cum omnibus aliis pertinenciis suis in villa et extra villam videlicet quam Willelmus Gemme de Drayton dedit nobis in liberam elemosinam tenend et habend prefato Ade et heredibus suis de nobis et successoribus nostris integre libere quiete reddendo inde annuatim elemosinario domus nostre ad usus pauperum vi solidos sterlingorum inperpetuum pro omni servicio et exaccione ad nos vel successores nostros pertinente ad quatuor terminos anni scilicet ad Natale domini x et viiid ad Pascha x et viiid ad festum sancti Johannis baptiste x et viiid et ad festum sancti Michaelis decem et viiid In testimonium autem huius nostre donacionis concessionis et confirmacionis presenti scripto sigillum domus nostre apposuimus Hiis testibus Willelmo milite Johanne Gemme Johanne Bainel et aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.