Sciant presentes et futuri quod nos Jacobus prior et conventus de Daventre concessimus Roberto filio Herberti de Throp pro homagio et servicio suo unam virgatam terre in eadem villa illam scilicet quam prefatus Herbertus pater eius tenet de nobis habend et tenend de nobis et successoribus nostris sibi et successoribus nostris sibi et heredibus suis pacifice et quiete pro dimidia marca argenti nobis annuatim ad duos terminos persolvenda scilicet ad Pascha xl d et ad festum sancti Michaelis xl d Et preterea inveniet prefatus Robertus et heredes sui semel in anno unum hominem ad pratum secandum ad segetes colligendas duos vernaculos promptos ter in messe exhibebit quos una die monachi cibo reficient De reliquis vero ipse providebat Et ter in anno dimidio aratro ad opus nostrum arabit scilicet semel in quadragesima semel in estate semel post festum sancti Michaelis pro omni servicio salvo forinseco Ut autem hec nostra concessio sibi et heredibus suis firma sit et stabilis eam presenti scripto et sigillo nostro confirmavimus Hiis testibus Willelmo de Daventre Rogero Gulafre Simone de Throp et aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.