Hec est conuentio facta anno regis Henrici filii Johannis regis tricesimo primo inter dominum Willelmum de Kaynes ex una parte et priorem et conuentum de Dauentre ex altera uidelicet quod dicti prior et conuentus de Dauentre concesserunt pro se et successoribus suis dicto domino Willelmo et heredibus suis pro bono pacis inter eos inperpetuum habend quod quicunque masculus in mesuagio illorum quod de dono patris sui habunt in Dodeford mansit bis in anno pro pace domini regis seruandum ueniet in uisu francorum plegiorum ad curiam dicti domini Willelmi et heredum suorum sine calumpnia scilicet ad proximas curias post festum sancti Michaelis et Hokeday Ita quod dicti monachi et successores sui sustinebunt predictum mesuagium ne predictus Willelmus uel heredes sui perdant predictam sectam in modo prenominato In cuius rei testimonium presens cyrographum sigillis partium homo inde appositis est corroboratum Hiis testibus domino Waltero filio Simonis Simone de Throp Iohanne Gemme et multis aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.