Omnibus Christi fidelibus presens scriptum uisuris uel audituris Agnes quondam uxor Iohannis Sweyn de Sutht eternam in domino salutem Quia pro salute anime predicti Iohannis mariti mei et pro salute anime mee et in remissione peccatorum nostrorum Terram Sanctam adire propono et quia periculosum est omnibus dictam peregrinationem impedientibus et perturbantibus uestre uniuersitati duxi significandum me constituisse et atornasse loco mei et pro me dominum priorem uel subpriorem Sancti Dion iuxta Sutht uel quoscumque uel quemcumque ipse prior uel subprior nomine eorum substituere uoluerint pro uoluntate sua ad admittend seu recipiend de Iohanne Horn et heredibus uel assignatis suis quinque solidos annui redditus scilicet ad terminum Pasche ii s vi d et ad terminum sancti Michelis ii s vi d uidelicet de dimidia acra terre que iacet in crofta que dicitur Brikstewoldeslonde propinquiorem iuxta magnum uicum qui dicitur Hundewellestrete ex parte occidentali uici in parochia ecclesie Omnium Sanctorum in suburbio Sutht et se extendit in longitudinem a grang Ricardi Brutun uersus boream usque ad murum Magdalen quam quidem dimidiam acram terre predictus Iohannes maritus meus prefato Iohanni Horn uendidit scriptum cuius uenditionis commisi in custodia subprioris predicte domus Sancti Dion sub hac forma quod dicti prior et subprior uel eorum substitutus dictos quinque solidos annui redditus de predicto Iohanne Horn et heredibus uel assignatis suis ad terminos prescriptos annuatim percipiant et de eodem redditu percepto predicti prior et subprior domus pretacte uel eorum substitutus mihi si contigerit me securum habere regressum respondeant si autem in dicta pregrinatione uiam uniuerse carnis ingrediar uolo et concedo quod dicti quinque solidi annui redditus pro salute anime predicti Iohannis mariti mei et pro salute anime mee priori et conuentui predicte domus Sancti Dion iuxta Sutht in perpetuum remaneant ita ut predictum Iohannem maritum meum et me in suis orationibus semper admittant et quod dicti prior et conuentus post decessum meum singulis annis Ricardo Ernis reddant xii d et Ricardo Brutun dimidiam libram cimini ad terminos predictos In cuius rei testimonium presenti scripto sigillum meum apposui et ad petitionem meam et nomine maioris securitatis sigillum Bernard le Moigne tunc temporis balliui Sutht Henr le Flameng eiusdem uille tunc temporis senescalli Nicholai de Barfleut Roberti Bonheyt Nicholai Beket Iohannis Horn Willelmi Thom et Andr de Cruce apponi procuraui Datum apud Sutht anno domini mcclx nono die Annuntiationis Dominice

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.