Noverint omnes tam presentes quam futuri quod ego Rual[] prior et conventus Sancti Dion[] iuxta Suth[] unanimi assensu tradiderunt et concesserunt domui Beate Marie Magdalene Suthampton[] et leprosis ibidem degentibus eorumque successoribus unam acram terre quam habuerunt ex dono Roberti Monachi cum suis pertinenciis que iacet ex opposito dicte domus ex parte orientali vici in campo qui dicitur la Estgarston[] et se iungit gardino dictorum leprosorum ex parte australi et se extendit in longum a vico in orientem usque ad terram que fuit Ricardi de Lecestre in perpetuum escambium unius acre terre cum fossato et ceteris suis pertinenciis in campo qui vocatur Bokland[] que iacet ex australi parte eiusdem campi iuxta dictum fossatum et se extendit in longum a via que vocatur Bradeweye versus orientem usque ad dimidiam acram terre quam Willelmus Wulgar tenuit in eodem campo iuxta fossatum tenend et habend dictas acras hinc et inde videlicet dictis priori et conventui et eorum successoribus dictam acram in Boklaunde et predictis leprosis et eorum successoribus predictam acram in Estgarston[] libere quiete integre et pacifice liberas ab omnibus querelis sectis et consuetudinibus Reddendo annuatim dicti Prior et conventus pro dicta acra in Boklaund[] domino de Sirlye tres denarios ad festum Sancti Michaelis pro omni servicio secta et seculari demanda et debent hinc inde sibi invicem predictum escambium contra omnes gentes in perpetuum warantizare In cuius rei testimonium hoc presens scriptum in modum cirographi confectum sigillis suis hinc inde munierunt Hiis testibus

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.