Pateat uniuersis quod cum ego Iohannes de Bynedone burgensis Suth[] construerem quandam domum in uilla Suth[] in parochia ecclesie Sancte Crucis in uico Anglico ex parte occidentali uici inter domum quandam que aliquando fuit Margerie Sumburn[] et domum que fuit Ricardi de la Prise in qua Iohannes de la Prise aliquando mansit et occasione cuiusdam muri lapidei prioris et conuentus Sancti Dyonisii iuxta Suth[]t quem ad iniuriam eorundem ad ampliandam placiam domus mee prescripte contra beneplacitum et consensum ipsorum prioris et conuentus confregeram orta esset inter eosdem priorem et conuentum ex parte una et me et Iulianam uxorem meam ex altera grauis altercatio tandem conuenientibus uiris fidedignis burgens[] Suth[]t Robert uidelicet le Barbyr tunc aldermanno uille Suth[]t Iohanne de Holebury Iohanne de Schyrly tunc balliuis eiusdem uille una cum Ad[] le Hordyr Iohanne de Puteo Iohanne de Borgoyne cum aliis nonnullis et super prefati muri confraccione iniusta tractatum habentibus repertum est et iudicatum me deliquisse manifeste Super quo delicto cum me gracie et uoluntati dictorum prioris et conuentus sponte subposuissem idem prior et conuentus quicquid deliqueram una cum rancore quem erga me fortassis ratione sepedicte domus mee constructionis conceperant benigne remiserunt pro uitanda posterorum malicia muri prefaci plene et perpetue renunciationis scriptum a me requirentes quod ad instantiam burgensium prescriptorum gratis concessi Unde ego Iohannes prefatus de Bynedone pro me et heredibus meis executoribus uel assingnatis in prefato muro uel fenestra in eadem constructa nichil iuris uel clamii aliqua racione habere me fateor set tanquam prioris et conuentus et non meum ad deponend[] si eis placuerit uel domum superedificandam siue iuxta eorundem uoluntatem fenestram muri eiusdem obscurandam suadente iustitia tenoris presencium totaliter resingno In cuius rei testimonium presentibus sigillum meum duxi apponendum et ad maiorem securitatem habend sigillum prepositure uille Suth[]t apponi procuraui Dat[] apud Suth[]t die Sabbati proxima ante festum Sancte Margarete Uirginis anno regni regis Edwardi filii regis Henrici vicesimo

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.