Nouerint uniuersi quod anno domini mcclxx septimo facta est hec conuencio inter N priorem Sancti Dion iuxta Suth et eiusdem loci conuentum ex una parte et Adam Rombold[] ex altera uidelicet quod dicti prior et conuentus pro se et suis successoribus dimiserunt et quietum clamauerunt dicto Ade duas dimidias acras terre in Lokerl[] in Warnefeld[] quas habuerunt ex dono Willelmi Smarck[] et sunt de feodo eiusdem Ade quarum una dimidia acra iacet proximo Warnebrock[] preter unam acram ex parte aquilonari et alia dimidia acra iacet proximo capitali terre que est predicti Ade tenend [...] Reddendo inde annuatim dictis canonicis et eorum successoribus ad luminare coram altare Beate Marie in eorum ecclesia Sancti Dion[] supradicta sexdecim denarios uidelicet ad festum Sancti Michelis octo denarios et ad Pascha octo denarios pro omni seruicio et seculari demanda Predictus uero Adam pro se et suis heredibus remisit et quietum clamauit dictis canonicis et eorum successoribus in perpetuum unum denarium annui redditus quem ei reddere solebant de duabus dimidiis acris supradictis Et concessit pro se et suis heredibus quod si in solucione predictorum sexdecim denariorum annui redditus terminis constitutis fuerit cessatum licebit dictis canonicis et eorum successoribus distringere dictum Adam et heredes suos tam per dictas duas dimidias acras terre quam per totum tenementum suum quod ipse tenet in Lokerl[] de eodem feodo donec de eodem redditu fuerit satisfactum Et ut premissa [...] Hiis testibus Act[] in oct[] Apostolorum Petri et Pauli anno supradicto

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.