Hec est conuencio facta inter Henricum de Bathon[] ex una parte et Walterum de Samelhurst[] ex altera uidelicet quod predictus Walterus de Samelhurst tradidit predicto Henrico totam terram suam de Samelhurst[] cum omnibus pertinenciis suis quam Hugo pater dicti Walteri tenuit excepta crofta Henrici Curri usque ad terminum triginta annorum termino incipiente ad festum Sancti Michelis anno regni regis Henrici filii regis Iohannis sextodecimo habend et tenend predictam terram eidem Henrico et heredibus suis uel cui assignare uoluerit uel in testamento legare de predicto Waltero et heredibus suis quietam ab omni seculari seruicio ad predictum Walterum uel ad heredes suos pertinente Faciendo inde tamen per manum suam loco predicti Walteri annuum seruicium domino feodi Et si forte predictus Henricus in aliquo uexatus fuerit uel assignati sui pro aliqua secta alicuius curie que debetur pro predicta terra tunc predictus Walterus tenetur reddere dicto Henrico totum custum suum quod posuerit pro pace de dictis sectis habend antequam terram suam recipiat secundum quod predictus Henricus monstrare poterit per testimonium legalium hominum Et si forte euenerit quod predictus Walterus infra predictum terminum obierit uel uitam suam mutauerit et uxor dicti Walteri dotem suam super predictum Henricum de predicta terra recuperauerit tunc predictus Henricus tenebit duas partes ipsius terre que sibi remanent ultra terminum suum per tantum tempus donec omnia predicto Henrico restituantur ueluti predictus Henricus totam terram predictam integre teneret uidelicet sub hac forma quod si predicta mulier dotem suam per decem annos tenuerit infra terminum dicti Henrici tunc iam dictus Henricus per quinque annos tenebit illas duas partes ultra terminum et sic secundum quod mulier tenuerit per maius tempus uel minus Et si forte predictus Henricus de predicta terra marliauerit totam terram quam marliauerit per septem annos ultra predictum terminum tenebit Et si forte predictus Henricus custum posuerit in domibus faciendis uel emendandis usque ad sex marcas uel infra tunc predictus Walterus totum predictum custum ei reddere tenetur antequam terram suam recipiat Et sciendum est quod predictus Walterus predictam terram nulli potest uendere in feodo uel inuadiare infra terminum predictum nisi eidem Henrico dum idem Henricus tantum ei dare uoluerit quantum ab aliquo alio racionabiliter habere poterit et hoc sine dolo Et predictus Walterus et heredes sui predictam terram sicut predictum est predicto Henrico et heredibus suis uel cui assignare uoluerit contra omnes homines warantizabunt Et predictus Henricus uel heredes sui uel attornati sui in fine dicti termini predicto Waltero uel heredibus suis totam predictam terram reddent friscam quia predictus Henricus eam eodem modo recepit Et facta fuit hec conuencio in crastino Sancti Bartholomei anno regni regis Henrici filii regis Iohannis sextodecimo Pro hac autem conuencione predictus Henricus dedit predicto Waltero decem et septem marcas pre manibus Et ut hec conuencio firmitatem in posterum optineat presenti scripto in modum cyrographi confecto tam predictus Henricus quam predictus Walterus sigilla sua apposuerunt Hiis testibus

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.