Nouerint uniuersi quod ego Ricardus filius Martini clerici de Karltone concessi et quietum clamaui pro me et heredibus meis uel nostris assignatis Henrico filio Radulfi de Wroxhull et heredibus suis uel eorum quibuscumque assignatis totam terram quam habuit de donatione et concessione Martini patris mei et Emme matris mee in Karltone cum omnibus suis pertinenciis tenend et habend eidem Henrico et heredibus suis uel eorum quibuscumque assignatis cum omnibus libertatibus et asiamentis que testantur in carta donacionis quam dictus Martinus et dicta Emma fecerunt eidem Henrico Et ego dictus Ricardus et heredes mei uel nostri assignati warantizabimus totam dictam terram cum omnibus pertinenciis dicto Henrico et heredibus suis uel eorum quibuscumque assignatis contra omnes gentes et per seruicium quod testatur in dicta carta donacionis in omnibus et de omnibus acquietabimus et defendemus inperpetuum Pro hac autem concessione et clamacione et presentis scripti warantizacione dedit michi dictus Henricus duodecim denarios argenti premanibus ad meum negocium In cuius rei testimonium pro me et heredibus meis uel nostris assignatis huic scripto sigillum meum apposui Hiis testibus Roberto filio Ammari Willelmo le Champiun Iohanne Hareng Iohanne de Montibus Ricardo de la More de Karltone Willelmo filio Radulfi Roberto filio suo de Wroxhull Willelmo de Leyton Floro Gykel et aliis Actum die sabatis proxima post festum sancti Iohannis ante portam Latinam Anno regni Regis Henrici filii Regis Iohannis quadragesimo

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.