Omnibus Cristi fidelibus ad quos presens scriptum peruenerit Nicholaus Passeleue salutem in domino Nouerit uniuersitas uestra quod cum Priorissa et conuentus de Harewolde teneant quasdam terras ac tenementa infra parochiam de Bruham per feofamentum domini Rogeri quondam Comitis Uinton quas quidem terras et tenementa Willelmus Aluf de Stiuenton aliquando de me tenuit in capite per quemdam annualem redditum et seruicium forinsecum michi annuatim inde debitum et consuetum Ego predictus N pro salute anime mee et heredum antecessorum et successorum meorum concessi deo et ecclesie sancti Petri de Harewolde Priorisse et sanctis monialibus ibidem deo seruientibus et inperpetuum seruituris pro me et heredibus meis quod nos de cetero dictum tenementum quod tenebant tempore confectionis huius scripti non distringemus nec distringere faciemus propter aliquod seruicium neque pro redditu annuali neque pro seruicio forinseco nec sectis curie neque pro aliquibus aliis [seruiciis] que michi et heredibus meis uel assignatis possint pertinere uelque de dictis terris et tenementis aliquo modo poterunt exigi inperpetuum Et ne ego Nicholaus nec heredes mei uel assignati super dictas terras et tenementa propter aliqua seruicia cum a retro fuerint non distringamus nec distringere faciamus seu ualeamus pro me et heredibus meis huic presenti scripto sigillum meum apposui Hiis testibus Thoma de Bray Willelmo Passeleue Henrico Troue domino n[icolao] capellano de Stiuenton Andrea de Wroxhulle Roberto Blaunkoste Iacobo de Bruham Galfrido le Ros Rogero le Sergaunt Hugone de Torucy et aliis Actum quinto Kal Maii Anno regni Regis Henrici filii Regis Iohannis quinquagesimo

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.