Omnibus Cristi fidelibus presens scriptum inspecturis uel audituris Willelmus Passelew de Bromham salutem in domino sempiternam Nouerit uniuersitas uestra me dedisse et concessisse et hac presenti carta mea confirmasse deo et beate Marie et ecclesie beati Petri de Harewolde et sanctimonialibus ibidem deo seruientibus in liberam [et] puram elemosinam pro salute anime mee et antecessorum et successorum meorum et pro triginta marcis argenti quas dicte moniales michi dederunt ad meum negocium expediendum Radulfum Iuet de Bydenham natiuum meum cum tota sequela sua et cum omnibus catallis suis Et totum tenementum cum omnibus pertinenciis quod Radulfus Iuet de me tenuit in Bydenham tam in mesuagiis sepibus fossatis quam in terris arabilibus pratis pascuis et pasturis et omnibus aliis ayseamentis dicto tenemento pertinentibus Preterea dedi et concessi deo et beate Marie et predicte ecclesie et predictis monialibus mesuagium cum toto crofto adiacente quod Beatritia uxor Roberti Passelew de me tenuit in Bydenham una cum fossatis sepibus pascuis et pasturis et cum uno quarterio prati quod Symon cementarius quondam tenuit cum omnibus suis pertinenciis tenend et habend predictis monialibus et earum successoribus uel assignatis de me et heredibus meis uel assignatis cum liberis ingressis et exitibus bene in pace integre solute et quiete inperpetuum Et ego predictus Willelmus Passelew et heredes mei uel assignati warantizabimus totum tenementum plenarie ut prenotatum est cum omnibus suis pertinenciis predictis monialibus et earum successoribus uel assignatis et in omnibus et de omnibus seruiciis secularibus consuetudinibus exactionibus querelis forincesis demandis et sectis omnimodis que in posterum dicto tenemento pertinere uel euenire possint acquietabimus et deffendemus contra omnes gentes ut puram liberam et perpetuam elemosinam inperpetuum In cuius rei robur et testimonium hanc presentem cartam sigilli mei inpressione roboraui Hiis testibus domino Galfrido Burdelys domino Henrico de Lega militibus Willelmo de Carnal Rogero balliuo domini Regis Nic Passelewe Nic Goldston Ric Nottele Rad fil Will de Bydenham Galfr fil Rob de Stacheden Nic Ie Blund Will fil Henrici Rob Blauncost de Bydenham et aliis Acta die sancti Michelis anno regni Henrici filii regis Iohannis quadragesimo

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.