Omnibus Cristi fidelibus presens scriptum inspecturis uel audituris Willelmus Passelewe de Bromham salutem in domino Noueritis me teneri priorisse et conuentui de Harewolde totum tenementum cum omnibus pertinenciis quod habent de mea donacione et concessione in Bydenham warantizare defendere et acquietare contra omnes dominos capitalis feodi et contra omnes alias gentes Et si ita contingat quod dictum tenementum ego et heredes mei warantizare non possumus uel cum possimus non fecerimus ita quod dicta priorissa et conuentus dampnum laborem costum uel molestiam pro defectu warantizacionis mee acquietacionis uel defensionis habuerint uel inposuerint obligo me pro me et heredibus meis uel executoribus uel assignatis totum dampnum costum laborem uel molestiam per dictam priorissam et conuentum appositum uiso quatuor legalium uirorum appreciatum dicte priorisse et conuentui plenarie persoluendum infra quindenam postquam dampnum laborem uel molestiam habuerint dicto modo Ad hoc obligo me pro me et heredibus meis uel executoribus uel assignatis per omnia bona mobilia et immobilia res redditus et possessiones infra comitatum Bedford nomine meo inuenta possessa habita et habend per eiusdem comitatus uicecomite pro tempore existente seu eius balliuos grauiter posse distringi et districtiones factas firmiter retineri quousque dicte priorisse et conuentui super totius predicti dampni laboris costi uel molestie emendacione modo predicto una cum expensis circa dictam emendacionem uel persolucionem perquirendam appositis si que apposite fuerint plenarie fuerit satisfactum Non obstante pro parte mea aliqua occasione cancellacione regia prohibicione litterarum crucis signacionis seu aliarum qualiumcumque inpetracione siue quocumque iuris remedio que michi uel meis quocumque prodesse potuerit et ualere contra dictam obligacionem et dicte priorisse et conuentui in aliquo obesse et nocere In cuius rei testimonium huic scripto sigillum meum apposui Hiis testibus domino Galfr de Burdeleys milite Will de la Carnal Ric de Nottele Rob de Heseby Will de Facunberge Rog balliuo domini Regis Nic Goldston et aliis Acta die sancti Michelis anno regni regis filii regis Iohannis xl

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.