Anselmus dei gratia sancte Cantuariensis ecclesie antistes omnibus fidelibus suis salutem et benediccionem Notum sit omnibus uobis nos concessisse et hac carta nostra confirmasse ecclesie beati Gregorii extra portam Cant[] aquilonarem site omnia que uenerabilis predecessor noster Lanfrancus illius fundator eidem ecclesie contulit in ecclesiis et decimis in terris et bosco et pratis et molendinis et in omni maneria donarum et possessionum et redituum Sed et quod prefate ecclesie in illius consecratione quam auctore deo peragentes eius intuitu et amore donantes adauximus Hac eadem carta nostra in perpetuam eidem confirmamus in elemosinam uidelicet octo acras succise messis annuatim apud Northfliete quattuor acras de tritico et quattuor de ordeo in terra scilicet meliori post funatam Sed et omnia que a bonis catholicis eidem ecclesie de cetero iuste et pie conferenda sunt prouidentis omnia dei auctoritate et nostra scripto hoc corroboramus omnibus ipsi ecclesie benefacientibus et benefacturis eternam a domino salutem obtinere desiderantes Huius carte testes sunt R episcopus Roffensis Hugo abbas ecclesie sancti Augustini Conrad prior Petrus monachus Willelmus senescal

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.