Notum sit omnibus tam presentibus quam futuris quod ego Willelmus filius Hamonis pro amore dei et salute anime mee et antecessorum meorum reddidi et quietam clamaui deo et ecclesie sancti Gregorii Cant custodiam quam habueram in Radulfo Cauello et terra sua de Githinges in capitulo canonicorum eiusdem ecclesie sancti Gregorii in manu prioris Rikewardi Et recognosco quod numquam in terra illa de Githinges hereditatem habueram uel ius aliquod nisi custodiam tantum predicti Radulfi Cauelli ut cognati mei et eiusdem terre sue cum eo Deinde eandem custodiam dicti Radulfi Cauelli et terre sue obtuli in atari eiusdem ecclesie per textum ewangeliorum et quietam clamaui inperpetuum deo et ecclesie sancti Gregorii Huius rei hii testes fuere Predictus prior Rikewardus et omnis conuentus eiusdem ecclesie Robertus presbiter qui tunc uices gerebat archidiaconi Frethericus et Eustachius presbiteri Willelmus filius Nigelli Simon de Crieil Gilebertus filius Haimonis Willelmus de Cusintune Hamo filius Ricardi Hii omnes milites De burgensibus autem Cant Iohannes filius Uiuiani et Willelmus frater eius Iohannes filius Rogeri et Rogerus filius eius Ricardus Corbaille et duo filii eius Iohannes et Hamo Matheus Strangman et duo filii eius Michel et Willelmus Elphegus mertiarius Semer mercator Hugo filius Euerardi Lambertus filius Ernaldi Gerardus clericus Elias filius Lamberrihti Andreas flandrensis Et plures alii tam laici quam clerici Hoc autem factum est anno incarnationis dominice m c lxix iiij kal februarii tempore regis Henrici filii imperatricis

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.