Sciant presentes et futuri quod cum contentio fieret inter Thomam priorem et conuentum sancti Gregorii et Robertum palmerum ciuem Cant per breuem domini regis in burgmoto ciuitatis Cant super quadam purprestura facta de domibus lapideis dicti prioris apud Tern in parochia sancte Margarete Tandem mediante consilio bonorum uirorum conuenit inter eos quod predicti prior et conuentus dimiserunt et concesserunt dicto Roberto et heredibus suis domos illas cum scoppis et pertinentiis suis in perpetuum iacentes inter terram que fuit quondam Lining allutoris que est uersus est et regiam stratam que est uersus west et terram quondam Weressout que est uersus suth et regiam stratam que est uersus north pro una marca annui redditus eidem priori et conuentui ab eodem Roberto et heredibus suis soluenda ad quatuor uidelicet anni terminos in festo sancti Micelis xl denarios ad Natale domini xl denarios ad mediam Quadragesimam xl denarios ad natiuitatem sancti Iohannis xl denarios pro omni seruitio seculari Predicti uero prior et conuentus guarantizabunt dictas domos cum pertinentiis suis dicto Roberto et heredibus suis contra omnes homines et feminas per predictum annuum seruitium Et sciendum est quod si sepedictus Robertus uel heredes sui insolutione dicti redditus in aliquo termino defecerint licebit iamdictis priori et conuentui totum predictum tenementum distringere nanta capere et tenere donec de redditu suo eis plene fuerit satisfactum Pro hac autem dimissione et concessione dedit predictus Robertus dictis priori et conuentui vi marcas argenti in gersumiam In cuius rei testimonium et securitatem factum presens scriptum cyrographatum cuius una pars remanet penes priorem et conuentum reliqua penes Robertum Factum anno regni regis Henrici filii Iohannis regis octavodecimo mense martio Hiis testibus

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.