Notum sit omnibus presentibus et futuris quod ego Henricus filius Willelmi filii Geroldi de Limming dedi et concessi et hac presenti carta mea cyrografata pro me et pro heredibus meis deo et ecclesie sancti Gregorii Cant et canonici ibidem deo seruientibus et successoribus eorum pro salute anime mee et animarum antecessorum meorum quinque summas boni et rationabilis ordei liberi redditus in puram liberam et perpetuam elemosinam soluendas singuli annis dicti canonicis et successoribus eorum infra quindenam sancti Martini apud Cantuariam in curia sancti Gregorii de proprio custu meo uidelicet de sexdecim acri terre noue perquisitionis mee quorum octo acre quas cambiaui de Geraldo de Bertona iacent iuxta boscum de Sibetum uersus suth inter terram Ade de Henepested uersus east et terram Thome Pragelaz uersus west et abutant super cheminum quod tendit de domo sua uersus curiam de Limming Et tres acras quas emi de Roberto bedello et Rogero filio Eilwini et Richardo filio Ailnothi iacent in Trinteghe inter domini archiepiscopi que est uersus east et Tirelesdun Et quinque acre iacent in tenemento de Scadelesfeld quas emi de Roberto filio Edwini Kete Et ego Henrius et heredes mei warantizabimus et defendemus predictas sexdecim acras terre uersus capitales dominos et uersus omnes alios homines de omnibus seruitiis et demandis temporalibus ad ipsam terram pertinentibus Si uero contigerit me uel aliquem heredum meorum cessare aliquando in solutione predicti bladi tunc licebit predictis priori et conuentui qui pro tempore fuerint distringere me et heredes meos per predictam terram donec eis de predicto blado fuerit satisfactum et de dampno si pro defectu mei uel heredum meorum aliquod incurrerint Et si me uel heredes meos predictam terram uendere uel inuadiare uel aliquo modo alienare contingerit bene licebit dictis priori et conuentui capere terram illam et retinere in manu sua donec certi sunt quod predictum bladum eis plenarie soluatur a quocumque uel quibuscumque terra illa debeat possideri quocunque modo possidendo Et ad maiorem securitatem solutionis predicti bladi possidendam faciendam ego Henricus pro me et pro heredibus meis tantis sacrosanctis iuramentum prestiti renuntiando in hac donatione concessione et carte mee confirmatione omni appellationi cauellationi et contradictioni et maxime regie prohibationi et omni iuris auxillo tam ciuili quam canonico et omni rei quod mihi uel heredibus meis in hac parte prodesse et predictis canonicis uel successoribus eorum abesse sub pena quadraginta solidorum sterlingorum soluendorum domino Cantuariensis et quinque solidorum bailiuo de Limming qui pro tempore fuerit si ego uel heredes mei in predicti bladi solutione aliquando rebelles inuenti fuerimus Et ut hec mea donatio et concessio rata et stabilis inperpetuum permaneat factum est inter me et predictos priorem et conuentum hoc scriptum cyrogafatum cuius una pars signata sigillo meo penes predictos priorem et conuentum in perpetuum remanebit reliqua uero pars signata sigillo dictorum priori et conuentus penes me et heredes meos Actum anno m cc xxx viij in uigilia translationis beati Thome martiris in curia de Limming Hiis testibus Willelmo de Helmebam tunc bailliuo de Limming Iohanne de Aula Thoma Cokin Willelmo de Prato Reginaldo de Scadelesfeld Roberto de Bremling Rogero de Grangia Thoma Trewe Adam clerico Et multis aliis

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.