Omnibus ad quos presens scriptum peruenerit Samson dei gratia abbas sancti Edmundi et totus conuentus eiusdem loci salutem Noueritis uniuersi nos unanimi assensu et uoluntate concessisse et dedisse et presenti carta confirmasse Benedicto de Blacheham filio Ricardi et heredibus suis unam terram que uocatur Burecroft pertinentem ad aulam de Hornigesh tenend de nobis in perpetuum per seruitium iiij solidorum reddendorum predicte aule de Hornigesh annuatim scilicet ad quamlibet quattuor firmarum xij d Quapropter uolumus et firmiter precipimus quod predictus Benedictus et heredes sui habeant et teneant prenominatam terram cum omnibus pertinentiis libere quiete plene et integre per predictum seruitium pro omnibus seruitiis consuetudinibus et auxiliis saluo generali auxilio nostro de tanto tenemento quando generaliter ponetur per alias terras abbatie Huius nostre concessionis et donationis anno ab incarnatione domini mc xc viij facte hii sunt Testes Robertus prior et ceteri

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.