Omnibus ad quos presens scriptum peruenerit Samson dei gratia abbas sancti Edmundi et totus conuentus eiusdem loci salutem Noueritis uniuersi nos unanimi assensu et uoluntate concessisse et dedisse et presenti carta confirmasse Salomoni de Muckinges et heredibus eius in feodum et hereditatem xxx acras terre que terra uocatur Walecroft in uilla de Wepstede quam Godricus Keim tenuit ante eum tenend de nobis et de successoribus nostris in perpetuum per liberum seruitium vi solidorum annuatim reddendorum aule de Wepsted scilicet ad quamlibet iiij firmarum xviij d Quapropter uolumus et firmiter precipimus quod prenominatus Salomon et heredes eius habeant et teneant prenominatam terram cum omnibus ad eandem terram pertinentibus libere et quiete plene et integre per prenominatum seruitium pro omnibus seruitiis consuetudinibus et auxiliis saluo generali auxilio nostro de tanto tenemento quando ponetur per alias terras abbatie Huius nostre concessionis et donationis anno incarnationis domini mcxc viij facte hii sunt testes Robertus prior Hermerus supprior Iocelinus celerarius Hugo sacrista et camerarius Ricardus precentor Mauritius et Herbertus capellani

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.