Petrus de Cosseham omnibus hominibus et amicis suis francis et anglis salutem sciatis me dedisse et presenti carta confirmasse Philippo Flandrensi i uirgatam terre et x acras terre de dominico meo in Whitelegh quas Ricardus de Cosham tenuit et totum pratum de la Bourmmed et tegulariam pro homagio et seruitio suo et pro ix solidis quos mihi dedit tenend sibi et heredibus suis de me et heredibus meis in feodo et hereditate reddendo inde michi annuatim i libram cumini ad Natale Domini pro omni seruitio ita quod idem Philippus et heredes sui post eum aueria sua habebunt ubique in pastura cum aueriis curie mee Quare uolo et firmiter precipio quod iamdictus Philippus et heredes sui post eum has predictas tenuras habeant et teneant bene et in pace libere et quiete integre et honorifice in bosco et in plano in uiis et semitis in pratis et pasturis in aquis et molendinis in uiuariis et piscariis in stagnis et mariscis et moris et in omnibus aliis locis et aliis rebus cum omnibus libertatibus et liberis consuetudinibus ad eas pertinentibus per seruitium prenominatum Et ut hec mea donatio rata et inconcussa permaneat eam sigilli mei munimine corroboraui Facta est autem hec donatio ad festum sancti Iacobi proximum post decessum uenerabilis uiri domini Rogeri Eboracensis archiepiscopi Teste Rogero filio Reinfridi et multis aliis

Source Fulltext: A Medieval Miscellany for Doris Mary Stenton. P. M. Barnes and C. F. Slade. Pipe Roll Society, V.76, New Series V.36. Pipe Roll Society. J. W. Ruddock. Lincoln. 1962.